10- Mart küni tibetlerning xitay kommunist hakimiyitige qarshi küresh qilghan qozghilingigha 57 yil tolghan kün.
Dunyaning herqaysi jaylirida yashaydighan tibetler we ularning qollighuchiliri zor kölemlik namayishlar arqiliq bu künni xatiriligen. Amérikining washin'gton, nyuyork we boston qatarliq sheherliridimu namayishlar ötküzülgen.
"Amérikida bügün" gézitining xewiridin qarighanda, bügün yene amérika dölet mejlisi ezaliridin nensi pélosi we jim makgowrnlar 1959-yilidiki tibet qozghilingi munasiwiti bilen mexsus bayanat élan qilghan. Ular bayanatida xitay hökümitini tibetler bilen söhbetke olturushqa chaqirghan.
Bayanatta mundaq déyilgen :
Xitay bilen tibet arisidiki mesilide ilgirilesh hasil qilish üchün, xitay hökümiti choqum tibet xelqige bolghan modidin qalghan kona pozitsiyisini özgertip, ular bilen di'alog ötküzüshi kérek. Dalay lama bilen alaqe ornitish tibet üchün yéngi bir kélechek yaritidighan achquch bolup, u tibet medeniyiti, dini we tili, ularning yashash uslubini qoghdashqa paydiliq.
Nensi pilosi we jim makgowrnlar yene amérika hökümitigimu mes'uliyitini eskertip "Bizning dölitimizning tibettiki we shundaqla xitayning bashqa jayliridiki kishilik hoquq mesililiri heqqide söz qilidighan mes'uliyiti bar. Eger biz iqtisadiy menpe'etlerni dep xitayning kishilik hoquq xatirisini bir chetke qayrip qoysaq, u halda bizning dunyaning bashqa jaylirida kishilik hoquqni tilgha alidighan yüzimiz qalmaydu" dégen.
- Hindistandin kelgen wekil: "Bizning meqsitimiz Uyghur tilini öginip, kimlikimizni qoghdap qélish"
- Uyghur sot kollégiyesi 3-ispat anglash yighinida doktor adriyan zénz "Shinjang höjjetliri" diki yéngi mezmunlarni ashkarilidi
- Istanbulda d u q wexpening 2-nöwetlik qurghuchi hey'etler omumiy yighini chaqirildi
- Dunya Uyghur qurultiyining saylimi we Uyghur dawasi (nezer 56-san)
- Qomulda ötküzülgen "Axbarat élan qilish yighini" we xitayning Uyghur medeniyitini yoqitishtiki rezil oyunliri
