Tibetlikler sichüendiki bir ibadetxanida dalay lamaning resimini chiqirip du'a-tilawet ötküzgen

Muxbirimiz shöhret hoshur
2016-01-29
Share

Sichüenning genzi nahiyisining chokri ibadetxanisida toplan'ghan 1000din artuq tibetlik buddist, amérikida salametlik tekshürüshi élip bériwatqan diniy dahiysi dalay lamagha salametlik tilep mushu ayning25-we26-künliri mexsus du'a-tilawet ötküzgen.

Neq meydandin tartilghan sürettin melum bolushiche, ular bu tilawetni ibadetxana sehnisige ésilghan dalay lamaning resimi aldida élip barghan.

Radi'omizning bügünki bu heqtiki in'glizche xewiride bayan qilinishiche, adette 13-yanwardin 24‏-yanwarghiche tibet buddistlirining yilliq du'a-tilawet heptisi bolup, tibetlerning hindistan daramsaladiki teshkilati nöwette doxturxanida tekshürülüwatqan dalay lamagha salametlik tilesh heqqide chaqiriq chiqarghan we du'a-tilawet heptisini ikki kün uzartishni teshebbus qilghan.

Bu chaqiriq we teshebbusqa awaz qoshqan sichüendiki tibetler mezkur du'a-tilawet pa'aliyitini ötküzgen.

Daramsaladiki tibet pa'aliyetchilerning bildürüshiche, sichüendiki bu du'a-tilawet pa'aliyitige xitay terep qol tiqishqa pétinalmighan we hazirghiche bu pa'aliyetke qétilghanlarning jazalan'ghanliqi heqqide héchqandaq gep-söz kelmigen.

Sürgündiki tibet hökümiti bügün bir bayanat élan qilip, dalay lamaning salametlik tekshürüshide endishilinerlik bir ehwal körülmigenlikini bayan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet