Lobsang sanggay: kanada tibet mesiliside xitaygha kubekni ülge körsitishi kérek

Muxbirimiz shöhret hoshur
2016-11-23
Share

Kanada paytexti ottawada ziyarette boluwatqan sürgündiki tibet hökümiti bash ministiri lobsang sanggay, kanada siyasetchiliri bilen söhbiti dawamida, kanadaning milletler mesiliside xitaygha tenbih bérishke heqliq we layaqetlik ikenlikini eskertip, xitay terepke özlirining tejribisini ögitishni tewsiye qilghan.

Bu nuqtida konkrét toxtilip,kanadaning tibet mesiliside xitaygha gep qilghanda kubekni ülge körsitishini telep qilghan.

Kubekte 1960-yillardin bashlap musteqilliq heriketliri bash kötürgen, kanada bu mesilini référandum arqiliq hel qilghan bolup, roytirisning bügünki bu heqtiki xewiride bayan qilishiche, nöwette kubek xelqi kanada terkibide belgilik derijide öz-özini idare qilish hoquqidin behrimen bolmaqta. Lobsang sanggayning mezkur chaqiriqi xelq'ara axbaratning diqqitini tartqan.

Roytiris agéntliqi lobsangning bu chaqiriqi heqqide kanadadiki xitay elchixanisining pozitsiyisini sorighan. Ü elchixana yazma bayanat élan qilip, tibetke da'ir barliq ishlarning xitayning ichki ishi ikenlikini we chet'elliklerning arilishishigha yol qoyulmaydighanliqini bildürgen.

Xewerlerde déyilishiche, lobsang sanggayning kanada parlaméntidiki sözlirini tibetni qollghuchi parlamént ezaliri öre turup alqishlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet