Tibettiki tarixiy ibadetxanigha ot ketken

Muxbirimiz ümidwar
2018-02-18
Share

Shenbe küni kechte tibet paytexti lixasagha jaylashqan tibetler üchün muqeddes tarixiy ibadetxanilardin biri jokang ibadetxanisigha ot kétish weqesi yüz bergen. Jokang ibadetxanisigha ot kétish weqesi tézdin xelq'ara metbu'atlarning diqqitini tartqan bolsimu, emma xitay hökümet metbu'atliri peqet qisqila uchur tarqitish bilenla cheklen'gen. Xitay hökümet metbu'ati "Tibet yéngi uchurliri" mezkur ibadetxanigha 17-féwral küni kech sa'et 6 tin 40 minut ötkende ot ketken bolsimu, biraq otning tézdin öchürülgenliki, adem ölüsh we yarilinish körülmigenliki hem héchqandaq tarixiy asare-etiqiningmu ziyan'gha uchrimighanliqini qisqila xewer qilghan.

En'gliye b b s agéntliqining yézishiche, 1300 yilliq tarixqa ige, birleshken döletler teshkilati medeniyet we pen ma'arip orgini teripidin "Dunya medeniyet mirasliri tizimliki" ge kirgüzülgen mezkur ibadetxana lixasa sheher merkizige jaylashqan bolup, uninggha ot kétish kishilerning diqqitini jelp qilghan. Wehalenki, xitay terep tor betlerdiki mezkur ot apitige a'it uchurlarni qattiq kontrol qilghan bolup, uchurlar torlardin öchürülgen. 

Radiyomiz tibet bölümining igilishiche, mezkur ot weqesige a'it uchurlar qamal qilin'ghanliqi üchün köpligen ehwallar éniqsiz qalmaqta. Yeni, ibadetxana ichidiki tarixiy medeniyet buyumliri, ibadetxanining ziyan'gha uchrash ehwaligha a'it tepsilatlarni bilish mumkin bolmighan. 

Bu ibadetxanigha ot kétish weqesi xitaylarning chaghan bayrimining bashlinishigha shuningdek 15-féwral küni amérika dölet mejlisining üch neper ezasi bu yil 10-mart künini "Tibet hoquq küni" qilip békitish qarar layihisini otturigha qoyghandin kéyinki waqitqa toghra kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.