Tik-tokning amérikadiki sanliq melumat merkizide bixeterlik yochuqliri barliqi bayqalghan

3-Ayning axirida amérika dölet mejlisi tik-tokning bash diréktori jow showzidin guwahliq alghanda, jow showzi amérikadiki tik-tok agéntlirining shexsiy uchurining bixeter saqlinidighanliqi, ichki we tashqi tesirge uchrimaydighanliqini éytqanidi.

Emma “Forbés” zhurnili yéqinda élan qilghan bir xewerge köre, amérikadiki tik-tok agéntlirining shexsiy uchurliri saqliniwatqan jay-shimali'iy wirjinyediki sanliq melumat merkizining unche bixeter emesliki melum bolghan.

Tik-tok shirkiti bashqa chong shirketlerge oxshashla shimaliy wirjiniye sanliq melumat merkizining boshluqini ijare alghan bolup, tik-tokning bu merkezdiki sanliq melumat bölümining bir qismini ByteDance (doyin) shirkiti bashquridiken.

Tik-tok shirkitide burun ishligen we hazir ishlewatqan 7 xizmetchini ziyaret qilish we sanliq melumat merkizidin kelgen 60 nechche höjjet, resim we widiyolarni tekshürüsh netijiside, bu uchur merkizining xitaydiki ByteDance (doyin) shirkiti bilen zich alaqisi barliqi bayqalghan.

Tik-tok shirkiti bu sanliq melumat merkizini bashqurush üchün Spur(qaynam) shirkiti ishlepchiqarghan mulazimitérni ishletken. Bezi xizmetchiler bu mulazimitérdin paydilinip, reqemlik pullarni qazghan.

Amérika dölet mudapi'e ministirliqi Spur(qaynam) shirkitining 2020-yilila xitay herbiy küchliri teripidin kontrol qilin'ghanliqini éytqan, amérika soda ministirliqi u shirketni qara tizimlikke kirgüzgen.