Uyghur rayonida "Merkezning 8 türlük rohigha xilapliq qilish" ta körülgen 6 tipik mesile élan qilin'ghan

Muxbirimiz jewlan
2021-04-27
Share

Xitay taratqulirining 27-aprél chiqarghan xewiridin melum bolushiche, Uyghur aptonom rayonluq hökümet intizam tekshürüsh komitéti "Merkezning 8 türlük rohigha xilapliq qilish" ta körülgen 6 tipik mesilini élan qilghan.

Bu alte türlük mesile bügür nahiyelik sot mehkimisi bashliqining sowghat élish mesilisi, qubuqsar mongghul aptonom nahiyesdiki bir mektep mudirining pul tarqitish we sowghat élish mesilisi, guma nahiyesidiki bir yéza bazar bashliqi (Uyghur)ning hökümet mashinisini ishlitiwélish mesilisi, burultoqay nahiye qurulush idarisi bashliqining hökümet ishxanisini öy ornida ishlitish mesilisi, onsu nahiye jam baziri bashliqi (Uyghur)ning sowghat élish mesilisi, ürümchi shehiridiki bir mektep mudiri (Uyghur)ning qa'idige xilap toy murasimi ötküzüshi qatarliqlar bolup, bu partiye ezalirining "Yuqiri bésimliq weziyet" astidimu her xil usullar bilen öz kömichige chogh tartqanliqi "Tipik misal we küchlük ibret" süpitide élan qilin'ghan we "Istil tüzitish herikiti" ni yuqiri kötürüsh kérekliki tekitlen'gen.

Bu yerde közetchiler diqqet qilghan bir nuqta shuki, xewerde éytilghan "Yuqiri bésimliq weziyet" bir jehettin xelq'araning Uyghur rayonidiki weziyetke yéqindin köngül bölüshining xitayda bésim peyda qilghanliqini we xitayning Uyghur rayonidiki memuriy emeldarlargha yükligen wezipisiningmu éghirlashqanliqini körsitidu. Ikkinchi nuqta shuki, xitaydiki chiriklikke nisbeten éytqanda, yuqiriqi mesililer adettiki mesililer bolup, xitay hökümiti bularni tipik mesile qatarida kötürüp chiqish arqiliq kishilerni qaymuqturup, chong emeldarlardiki chiriklik we jinayetlerni nezerdin saqit qilishqa urun'ghan bolushi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet