Токйо 2020 - йиллиқ олимпик йиғини ечиш һоқуқиға еришти

Мухбиримиз үмидвар
2013-09-08
Share


2020 - Йилидики язлиқ олимпик йиғини ечиш салаһийитини талишиш ахири 7 - сентәбир күни нәтиҗиләнди. японийә пайтәхти токйо 2020 - йиллиқ олимпик өткүзүш салаһийитигә игә болуш билән японийә хәлқи өзиниң ғәлибисини дағдуға қилди.

Бу қетимқи ахирқи таллашта түркийиниң истанбул шәһириму күчлүк намзат болди. Бирақ истанбул токйодин кейинки беләткә еришти.

Б б с агентлиқиниң йезишичә, токйо талланған болсиму, бирақ японийидики фукушима атом радиатсийисиниң ақивити кишиләрни әндишигә салған болуп, көплигән японлуқлар япон хәлқи еғир атом радиатсийисиниң тәсиридин қутулалмиған, дөләттә иқтисадий мәсилиләр қийин җ болуватқанда олимпик өткүзүшни мувапиқ әмәс дәп қариған, әмма японийә һөкүмити 2020 - йилиғичә атом радиатсийиси тәсирини тазилап болидиғанлиқини вәдә қилған.

Мулаһизичиләр истанбулниң әң күчлүк намзат болсиму, бирақ униңда йеқинда йүз бәргән наразилиқ намайишлири, сүрийә кризиси вә башқа мәсилиләр униң бу қетимқи таллашта ғалип чиқалмаслиқидики асаслиқ сәвәб дәп қаримақта.

Испанийиниң мадрид шәһириму асаслиқ риқабәтчи болсиму, бирақ униң номури истанбулдин кейин турған.

Әгәр истанбул ғәлибә қилған болса, у мусулман дунясидики тунҗи олимпик шәһири болуп қалған болар иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт