Президент трамп хитайдин «толуқ қол үзүш» керәкликини тәкитлиди

Мухбиримиз нуриман
2020-06-19
Елхәт
Пикир
Share
Принт

Фирансийә ахбарат агентлири (AFP) ниң 19-июн бәргән хәвиридә президент доналд трампниң американиң хәлқара содини илгири сүрүш пилани болсиму, лекин хитайниң америка иқтисадиға арилишишини кәскин рәт қилидиғанлиқи, шу сәвәбтин американиң хитай билән болған сода алақисини үзүшни тәшәббус қилидиғанлиқи илгири сүрүлгән.

Игилинишичә, президент трамп өзиниң тиветтер һесабидин «һәр қандақ шараитта америка хитайдин пүтүнләй қол үзүшни таллайду,» дәп учур йоллиған.

Америка қошма штатлири хитай билән болған сода урушидин башқа йәнә корона вируси юқуми, хоңкоңда қаршилиқ пәйда қилған «хитай дөләт хәвпсизлики қануни» вә хитайниң уйғур районидики кәң көләмлик бастуруш сиясити қатарлиқ бир қатар мәсилиләрдә хитайни қаттиқ тәнқид қилип кәлмәктә.

Фирансийә ахбарат агентлиқиниң хәвиригә қариғанда, американиң юқири дәриҗилик дипломати давид стилвел американиң хитай билән техиму очуқ-ашкара мунасивәттә болушни тәшәббус қилидиғанлиқини тәкитлигән. Лекин бу һәқтики соалларға тәпсилий җаваб беришни рәт қилған.

Пикирләр (0)
Share
Толуқ бәт