Xoten-chaqiliq tömüryolining tamamlinishi diqqet qozghimaqta

Muxbirimiz eziz
2021-09-29
Share

Xitay hökümitining “Ottura we uzun musapilik tömüryol qurulushi pilani” diki muhim türlerdin bolghan xoten-chaqiliq tömür yoligha rélis yatquzush qurulushi yéqinda tamamlan'ghan bolup, xitay axbaratlirida bu hal “Eng chong chöllükni tömüryol bilen halqisiman orashning tamamlinishi” dep teshwiq qilinmaqta.

Xitay bashqurushidiki “Shinjang xewerliri” torining 27-séntebirdiki xewiride éytilishiche, 825 kilométirliq bu tömüryol liniyesi xoten shehiridin bashlinip lop, chira, kériye, niye qatarliq jaylardin ötüp chaqiliqqa tutishidiken. Buning bilen tarim oymanliqini toluq oraydighan tömüryol liniyesi chingxeydiki golmudqa we gensudiki lenjugha biwasite tutishidighan weziyet shekillen'gen. Xewerde bu tömüryol liniyesining tamamlinishi heqqide söz qilinip “Emdi jenubiy shinjangdiki kishiler turpan yoligha mangmayla udul chingxey ölkisi ‍arqiliq ichkiri ölkilerge baralaydu. Buning bilen eslidiki seper musapisi ming kilométir qisqiraydu” déyilidu.

Emma muhajirettiki analizchilar izchil xitay hökümitining Uyghur diyaridiki tashyol, tömüryol we ayrodrom qurulushini “Xitay hökümitining sherqiy türkistanning tebi'iy bayliqini xitaygha yötkesh we ichkiridin xitay nopusini köchürüsh urunushini tüp meqset qilidu” dep qarap kéliwatqanidi. Gérmaniyelik lagirshunas adryan zénzning bu heqtiki eng yéngi doklatida xitay hökümitining 2040-yiligha barghanda tarim wadisidiki xitay köchmenlirining nopus nisbitini Uyghurlar bilen tengleshtürüsh, shu arqiliq Uyghurlarning bu jaylardiki nopus qurulmisida mutleq üstünlükni igilesh weziyitini buzup tashlashni bir zor qurulush süpitide ijra qiliwatqanliqi, nöwette Uyghur diyarigha xitay nopusini zor sanda köchürüsh netijiside nopus nisbitidiki özgirishning bashlinip bolghanliqi alahide yorutulghan idi. Xitay hökümitining yéqinda tamam bolghan béyjing-ürümchi tashyol qurulushi we bu qétimqi xoten-chaqiliq tömür yol qurulushigha bu qeder zor meblegh sélishi bu mesilini chöridigen gumanlargha seweb bolmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet