Amérika-xitay da'iriliri intérnétte öz'ara herbiy hujum qozghimasliq kélishimi imzalimaqchi

Muxbirimiz jüme
2015.09.19

Xewerlerge qarighanda, amérika we xitay da'iriliri intérnétte öz'ara herbiy hujum qozghimasliq kélishimi imzalashqa mexpiy halda heriket qilmaqta iken.

“Nyu-york waqit géziti” ning 19- séntebir xewer qilishiche, bu ishtin xewerdar hökümet emeldarliri mezkur kélishimning tinchliq dewride qarshi döletning asasiy mu'essesilirige intérnét herbiy hujumi qozghimasliqini qolgha keltürüsh meqsitide tüzilidighanliqini bildürgen.

Kélishimide yene qarshi terepning éliktur istansiliri, banka sistémisi, yanfon signal munarliri, doxturxana qatarliq orunlirigha hujum qilmasliq heqqidiki mezmunlarmu kirgüzülidiken.

Melum bolushiche, kélishimni hasil qilish qedemliri ötken bir nechche heptidin buyan téximu jiddiy élinishqa bashlighan.

Tor bixeterliki we xitaydin amérikigha kélidighan tor hujumliri mesilisi amérika siyasiy sehnisidiki eng jiddiy témilarning biri idi.

Yéqinda amérika xadim bashqurush idarisidin 22 milyon amérika hökümet xadimlirining kimlik mexpiyetlikliri oghrilap kétilgen.

Xitaydin kelgenliki ilgiri sürülgen mezkur hujum amérika siyasiy sehniside keskin munazire qozghighan we amérika prézidénti obama mezkur hujumgha qarishi oxshash shekilde öch élishni oylishiwatqanliqni bildürgen idi.

Melum bolushiche, kélishim xitay re'isi shi jinpingning amérika ziyariti jeryanida hasil qilinishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.