"Tashqi siyaset"" zhurnili: "Tor hujumi shinjangdiki medeniyet qirghinchiliqini toxtitalamdu?"

Muxbirimiz erkin
2020-10-19
Élxet
Pikir
Share
Print

En'gliyelik tetqiqatchi we siyaset meslihetchisi limor simxonéy 16-öktebir "Tashqi siyaset" zhurnilida maqal élan qilip, tor urushi prinsipini Uyghur élide insaniyetke qarshi jinayet sadir qiliwatqan nuqtilargha qarshi ishlitishke bolidighanliqini ilgiri sürgen. Uning tekitlishiche, xitay Uyghurlarni jazalashta yuqiri téxnikigha tayinidighan bolup, bu bashqa döletlerning axbarat toplishi we lagérlargha soqunup kirishining ishikini échip béridiken.

Limor simxonéy "Tor hujumi shinjangdiki medeniyet qirghinchiliqini toxtitalamdu?" mawzuluq maqaliside, yuqiri téxnikiliq nazaret "Shinjangni mewhum qepezge aylandurup, xitayni kimning döletke ziyanliq ikenlikini tehlil, analiz we qarar qilish imkaniyiti bilen teminligen bolsimu, emma bu xil sistéma bashqa döletlerning tor hujumi qilip, lagérlarning meshghulatini qalaymiqanlashturuwétish imkaniyitige ige qilghanliqi" ni bildürgen.

Uning tekitlishiche, tor urushi prinsipini shinjangda insaniyetke qarshi jinayet sadir qiliwatqan nuqtilargha qarshi ishlitishke bolidiken. U, lagérlardiki téxnika eslihelirige qaritilghan yoshurun we nishanliq tor hujumining nurghun ewzelliklerge ige ikenliki, xitayning tor bixeterlik tedbiri nahayiti ilghar bolsimu, lékin uning bixeterlik tedbirliride yenila boshluq barliqini bildürgen. Aptorning tekitlishiche, tor hujumi xitaygha "Xelq'ara jem'iyet shinjang yaki tibetke oxshash bashqa rayonlardiki étnik tazilashni qobul qilmaydu" dégen signalni béridiken.

Toluq bet