Tik toktiki shexsiy uchurlar alliqachan xitayning qoligha chüshüp bolghan

“Amérika radiyo tori” yéqinda amérikaliqlarni endishige salidighan bir xewerni élan qilghan bolup, uningda éytilishiche, amérika gerche tik-tok we uninggha baghliq eplerni chekligen teqdirdimu, amérikaning dölet xepsizliki mesilisini hel qilalmaydiken. Chünki tik-tokni ishletken amérika abontlirining shexsiy uchurliri alliqachan xitaygha kétip bolghan.

Amérikadiki tor bixeterliki shirkiti Feroot ning doklatida bildürülüshiche, amérikaning awi'atsiye shirketliri, torda mal sétish shirketliridin tartip hökümet orunlirining tor béketlirigiche tik-tokning Pixels )süretning éniqliq derijisi) dep atilidighan jasusluq détali yoshurun'ghan bolup, torgha kirgenlerning isim familisi, shifiri we jezmleshtürüsh kodini toplap mangidiken. Abontlar zapaslinip qalghan höjjetlerni öchürüp bolghiche, u jasusluq détali torgha kirgenlerning uchurlirini xitaygha yaki rusiyege yollap bolidiken. Démek, abontlar tik-tokni ishletmigen teqdirdimu, bu ep détali ularning uchurlirini saqliwalidiken. Abontlar bu epni öchürüwetken halettimu, tik-tok ularning uchurlirini toplap, xitaygha yollap béridiken.

Gogol shirkiti mutexesisliri bir yildek tekshürüsh arqiliq tik-tokning bu mikro jasusluq iqtidarining gogol, mikrosoft qatarliq dangliq shirketlerning tor betlirining esli kodida saqlinip, yoshurun heriket qiliwatqanliqini bayqighan.

Xewerde körsitilishiche, ötken yil 6-aydin buyan, amérikadiki yéngi tik-tok abontlirining uchurliri alliqachan “Chighinaq-taghaq yéziqi” tor boshluqigha toplan'ghan, 10-aydin kéyin bu tor boshluqining bixeterlikini qoghdash we uni ziyaret qilish hoquqi tik-tok xizmetchiliri bilenla cheklen'gen. Bügünki künde bu xizmetchiler amérikadiki abontlarning sanliq melumat ambirini bashqurmaqta iken.