Хитай даирилири уйғур елидә "төт тарих" ни өгиниш һәркити башлиған

Мухбиримиз әркин
2021-05-28
Share

Хитай даирилири уйғур елида "төт тарих" ни үгүнүш һәркити башлап, бу һәрикәтни "шинҗаңниң ‍иҗтимаий муқимлиқи вә узун муддәтлик әмнлики" билән бирләштүрүшни тәләп қилған.

"тәңритағ" ториниң хәвәр қилишичә, уйғур аптоном районлиқ партком 27-май күни даимий комитетниң кеңәйтилгән йиғинини чақирип, "төт тарих" тәшвиқати вә тәрбийә хизмитини орунлаштурған. Хәвәрдә ейтилишичә, "төт тарих" дегини партийә тарихи, йеңи җоңго тарихи, ислаһат тарихи вә сотсиялистик тәрәққият тарихини өз ичигә алидикән.

Йиғинда хитай компартийәси мәркизий комитети ишханисиниң "төт тарих" тәшвиқати вә тәрбийәсини қанат яйдуруш һәққидики һөҗҗити йәткүзүлгән. Бу һәрикәт хитай һөкүмити уйғурларниң тарихи, мәдәнийити, тили, өрп-адәтлирини чәкләп, уйғурларни омумиййүзлүк хитайлаштурушни йолға қоюватқан мәзгилдә башланған. Көзәткүчиләрниң қаришичә, бу һәрикәт бейҗиң һөкүмитиниң райондики уйғур кимликини қайта қурушни мәқсәд қилған "мәдәнийәт қирғинчилиқи" ниң парчиси ‍икән.

Йиғинда "төт тарих" ни компартийәниң "йеңи дәврдики шинҗаңни башқуруш истратегийәси, болупму җәмийәтниң муқимлиқи, узун муддәтлик тинчлиқи вә муқимлиқи билән бирләштүришни…төт тарих арқилиқ маарипиниң тәрәққият һәрикәтләндүргүч күчи вә тәшвиқат вә тәрбийәсини үнүмлүк өзгәртиш" ни, буниң "иҗтимаий муқимлиқ вә узун муддәтлик әминликни илгири сүрүштики әмәлий һәрикәт" икәнлики тәкитләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт