Трамп хитайға қаттиқ болушни тәкитләп кәлгән петер наваррони вәзипигә қойди

Мухбиримиз ирадә
2016-12-22
Share

Нөвәттә һөкүмәт кабинетини қуруп чиқиш үчүн җиддий хизмәт қиливатқан америкиниң сайлам ғалиби президенти доналд трамп америка дөләт тиҗарәт кеңишиниң башлиқлиқиға хитай билән болған тиҗарәтләрдә қаттиқ қол болушни тәкитләп келиватқан иқтисадшунас петер наваррони тәйинлигән.

Ройтерс агентлиқиниң хәвиридин қариғанда, петир наварро иқтисадшунас вә сәрмайә мутәхәссиси болуп, у шундақла һәм америкида тонулған вә шундақла кейин һөҗҗәтлик филимға айландуруп ишләнгән “хитай сәвәб болған өлүм--америкиниң ишләпчиқириш базилирини йоқитиши” намлиқ китабниң язғучиси икән. У өзиниң бу китаби вә һөҗҗәтлик филимида хитайниң америка иқтисадиға пәйда қиливатқан тәһдитини, хитайниң һәм иқтисадий һәм һәрбий җәһәттин асиядики бирдин-бир қудрәт болуш нийити барлиқини шәрһләш билән биргә, хитайдин импорт қилиниватқан малларниң америка екологийисигә көрситиватқан тәсири вә америкиниң әқлий мүлклириниң оғрилиниш мәсилисиму үстидиму тохталған икән.

Доналд трумп гурупписидикиләр наваррониң бу хизмәткә тәйинлинишини қарши елип, униң америкиниң иқтисадиға зиян бериватқан сиясәтләрни оңшайдиғанлиқиға ишинидиғанлиқини ейтқан.

Хитай ташқи ишлар министирлиқи баянатчиси хуа чүнйиң күндилик мухбирларни күтүвелиш йиғинида мухбирларниң петир наваррониң бу вәзипигә тәйинлинишигә қандақ қарайдиғанлиқини сориғанда, у хитайниң һөкүмәт кабинетиға талланған кишиләрни йеқиндин көзитиватқанлиқини әскәртип туруп “һәмкарлиқ икки дөләт мунасивәтлириниң сағлам тәрәққиятини сақлап қелиштики бирдин-бир йол, америкиниң буниң үчүн тиришчанлиқ көрситишини үмид қилимиз” дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт