Tramp xitaygha qattiq bolushni tekitlep kelgen pétér nawarroni wezipige qoydi

Muxbirimiz irade
2016.12.22

Nöwette hökümet kabinétini qurup chiqish üchün jiddiy xizmet qiliwatqan amérikining saylam ghalibi prézidénti donald tramp amérika dölet tijaret kéngishining bashliqliqigha xitay bilen bolghan tijaretlerde qattiq qol bolushni tekitlep kéliwatqan iqtisadshunas pétér nawarroni teyinligen.

Roytérs agéntliqining xewiridin qarighanda, pétir nawarro iqtisadshunas we sermaye mutexessisi bolup, u shundaqla hem amérikida tonulghan we shundaqla kéyin höjjetlik filimgha aylandurup ishlen'gen “Xitay seweb bolghan ölüm--amérikining ishlepchiqirish bazilirini yoqitishi” namliq kitabning yazghuchisi iken. U özining bu kitabi we höjjetlik filimida xitayning amérika iqtisadigha peyda qiliwatqan tehditini, xitayning hem iqtisadiy hem herbiy jehettin asiyadiki birdin-bir qudret bolush niyiti barliqini sherhlesh bilen birge, xitaydin import qiliniwatqan mallarning amérika ékologiyisige körsitiwatqan tesiri we amérikining eqliy mülklirining oghrilinish mesilisimu üstidimu toxtalghan iken.

Donald trump guruppisidikiler nawarroning bu xizmetke teyinlinishini qarshi élip, uning amérikining iqtisadigha ziyan bériwatqan siyasetlerni ongshaydighanliqigha ishinidighanliqini éytqan.

Xitay tashqi ishlar ministirliqi bayanatchisi xu'a chünying kündilik muxbirlarni kütüwélish yighinida muxbirlarning pétir nawarroning bu wezipige teyinlinishige qandaq qaraydighanliqini sorighanda, u xitayning hökümet kabinétigha tallan'ghan kishilerni yéqindin közitiwatqanliqini eskertip turup “Hemkarliq ikki dölet munasiwetlirining saghlam tereqqiyatini saqlap qélishtiki birdin-bir yol, amérikining buning üchün tirishchanliq körsitishini ümid qilimiz” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.