Prézidént tramp pakistanni "Saxtipezlik" bilen eyiblidi

Muxbirimiz erkin
2018-01-01
Share

Amérika prézidénti donald tramp aldinqi küni twittérda élan qilghan tunji yéngi yilliq bayanatida, pakistanni "Yalghanchiliq", "Saxtipezlik" bilen eyibligen. U, pakistan amérikining nechche milyard dollar yardimige ériship kelgen bolsimu, emma uning térrorluqqa yantayaq bolghanliqini ilgiri sürgen.

B b s ning bildürüshiche, prézidént trampning yéngi yilliq tunji twittér uchurida pakistanni eyiplishi diqqet qozghighan. Prézidént tramp bayanatida: "Amérika ötken 15 yilda pakistan'gha hamaqetlerche 33 milyard dollar yardem berdi. Lékin u bizge yalghanchiliq, saxtipezliktin bashqa héchnéme qilip bermidi. Ular bizning rehberlirimizni exmeq qildi," dégen. Prézidént tramp yene pakistanning térrorluqqa yantayaq boluwatqanliqi, uning térrorchilarni makan bilen teminlewatqanliqi, bu jehette uning qolgha chiqqudek héchqandaq yardem qilmighanliqini tekitligen.

Lékin pakistan tashqi ishlar ministiri kawaja aséf prézidént trampning sözige pat arida jawab qayturidighanliqini bildürgen. U twittérda élan qilghan bayanatida "Biz prézidént trampning twittérdiki sözige insha'alla, pat arida inkas qayturup, dunyagha heqiqetni, pakit bilen fantaziye otturisidiki perqni ashkarilaymiz" dep körsetken. Lékin bu prézidént trampning pakistanni tunji qétim térrorchilargha yantayaq bolush bilen eyiplishi emesken. U 2017‏-yili 8‏-ayda qilghan bir qétimliq sözide "Biz pakistan'gha milyardlap dollar yardem qiliwatimiz, biraq u biz urush qiliwatqan térrorchilarni makan bilen teminlewatidu," dégen.

Pakistan özining térrorluqqa qarshi zor bedel tölewatqanliqini, xitay bilen "Sherqiy türkistan islam herikiti" ge qarshi hemkarlishiwatqanliqini ilgiri sürsimu, biraq u "Ja'ishi‏ muhemmet" we shuninggha oxshash pakistanni baza qilghan bezi radikal teshkilatlarni qanat astigha élip élip keldi. Pakistan 2017‏-yili xitayning yardimide 2 qétim "Ja'ishi muhemmet" teshkilatining rehbiri mes'ud ezherning b d t ning térrorchilar tizimlikige kirgüzülüshini tosup qalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet