Доналд трамп: «сотсиялизм билән коммунизм пәқәтла һөкүмран синипниң имтиязидин башқа нәрсә әмәс»

Мухбиримиз сада
2019-09-26
Елхәт
Пикир
Share
Принт

Хитай һөкүмитиниң дуняға һөкүмран болуштики аталмиш «җуңго чүши» хәлқарада, җүмлидин америкада күчлүк инкаси қозғаватқанлиқи мәлум болмақта.

24-Сентәбир бирләшкән дөләтләр тәшкилатиниң нйо-йорктики баш штабида ечилған 74-қетимлиқ омумий йиғинида америка президенти трамп сотсиялизм вә коммунизм һәққидә сөз қилған. У сөзиниң башланмисида «дөлитимиз нөвәттә дуч келиватқан әң җиддий риқабәтләрниң бири сотсиялизмниң әрваһлиридур. Сотсиялизм барлиқ дөләтләрниң қисасчиси һәм җәмийәтниң бузғунчисидур,» дәп көрсәткән. 
У йәнә мундақ дегән: «сотсиялизм билән коммунизм һәққанийлиқ яки баравәрлик дегәнлик әмәс. У йәнә өз нөвитидә дөләт үчүн пайдилиқ дегәнликму әмәс. У пәқәт бирла мәнини билдүриду, у болсиму һөкүмран синипниң имтиязи.»

Доналд трамп сөзиниң ахирида американиң бир демократик дөләт икәнликини тәкитләп: «мән шуни қайта-қайта тәкитләймәнки, америка мәңгү сотсиялистик дөләткә айланмайду. Өткән әсирдә 100 милйон адәм сотсиялизм билән коммунизмниң қурбанлириға айланди,» дегән. 

Йиғинда гәрчә доналд трамп сотсиялизм вә коммунизм йолида меңиватқан дөләтниң исмини биваситә атимиған болсиму, нөвәттики вәзийәткә нисбәтән юқириқи сөзләрниң хитайға қаритилип дейиливатқанлиқи тәхмин қилинмақта.

Пикирләр (0)
Share
Толуқ бәт