Хитай даирилири уйғур елидә “туғқанчилиқ” сияситини давамлиқ чоңқурлаштурушни тәләп қилған

Мухбиримиз әркин
2021-08-06
Share

Хитай даирилири ‍уйғур тәшкилатлири тәрипидин қаттиқ әйибләшкә учрап кәлгән уйғур-хитай “туғқанчилиқ” сияситини давамлиқ йолға қоюш вә чоңқурлаштурушни тәләп қилған. Хитай һөкүмитиниң уйғур-хитай “туғқанчилиқи” ни алға сүрүш сиясити хитайниң 2017-йили башланған чоң тутқунида техиму күчәйгән. Даириләр бир милйон 200 дәк хитай кадириниң “туғқанчилиқ” намида уйғур аилилиригә орунлашқанлиқини илгири сүргән.

Бирақ бу сиясәт уйғурларниң аилә һаятиға қилинған бузғунчилиқ, дәп әйибләнгәниди. Уйғур аптоном районлуқ партком бу әйибләшләргә қаримай 5-авғуст күни йиғин чақирип, “туғқанчилиқ” сияситини давамлиқ чоңқурлаштурушни тәләп қилған.

“шинҗаң гезити” ниң хәвәр қилишичә, уйғур аптоном районлуқ партком даимий комитетиниң 5-авғуст чен чүәнгониң башчилиқида чақирилған кеңәйтилгән йиғини, бу сиясәтниң әмәлийлишиш әһвалиға аит доклатни аңлиған. “шинҗаң гезити” ниң хәвиридә, бу доклатниң тәпсилати тилға елинмиған, лекин йиғинда бу сиясәтни чоңқурлаштуруп қанат яйдуруш тәләп қилинғанлиқини билдүрүлгән.

Нөвәттә хитай даирилири тәрипидин “милләтләр иттипақ бир туғқан” дәп атилип келиватқан бу сиясәт илгири “қошмақ туғқанчилиқ” дегән нам билән тонулған. Хитай даирилириниң немә үчүн “қошмақ туғқан” дегәнни “милләтләр иттипақ бир туғқан” ға өзгәрткәнлики мәлум әмәс. Бирақ бу һәрикәт илгири уйғур тәшкилатлири тәрипидин “тәшкиллик басқунчилиқ”, “ирқий қирғинчилиқниң парчиси” дәп әйиблинип кәлгән.

“шинҗаң гезити” ниң хәвиридә ейтилишичә, йиғинда “партийәниң милләтләр сияситини толуқ иҗра қилип, милләтләр иттипақ бир туғқан вә милләтләр иттипақлиқи, достлуқ паалийәтлирини изчил чоңқурлаштуруп қанат яйдуруш”, бу җәһәттики механизмни техиму мукәммәлләштүрүп, “һәр қайси милләтләрниң ‍өзара берип-келиши, омумийүзлүк алақиси вә қошулушини чоңқурлаштуруш, бәшни етирап қилишини техиму күчәйтиш” тәләп қилинған. Бирақ хәвәрдә бу җәһәттики қандақ механизмларни күчәйтидиғанлиқи тилға елинмиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт