Xitay da'iriliri Uyghur diyarida tughulush nisbitining zor derijide aziyip ketkenlikini étirap qilghan

Xitay da'iriliri Uyghur diyarida 2018-yili tughulush nisbitining zor derijide aziyip ketkenlikini étirap qilghan, lékin Uyghur ayallirigha qarita mejburiy tughmas qilish élip bérilghanliqini ret qilip, buning sewebini pilanliq tughutqa baghlighan. Xitay da'irilirining tekitlishiche, tughulush nisbitining zor derijide aziyishi "Pilanliq tughut siyasitining omumyüzlük ijra qilinishi" bilen munasiwetlik iken. Gérmaniyelik Uyghurshunas adriyan zénz yéqinda xitayning hökümet höjjetlirige asasen 2016-yildin kéyin Uyghur diyarida tughulush nisbitining 60 din artuq aziyip ketkenliki, buning Uyghur ayallirini mejburiy tughmas qilish bilen munasiwetlik ikenlikini deliller bilen otturigha qoyghanidi.

CNN Ning xewer qilishiche, Uyghur aptonom rayoni da'iriliri 9-ayning bashlirida CNN ge fakis ewetip, irqiy qirghinchiliq élip bérilghanliqini ret qilghan. Tughulush nisbitining tuyuqsiz aziyip kétishi" béyjingning pilanliq tughut sughurtisi siyasitining 2017-yildin kéyin mezkur rayonda toghra ijra qilin'ghanliqining netijisi "Ikenlikini ilgiri sürgen. Adriyan zénz bolsa 2018-yili xitaydiki omumiy tughut cheklesh üzükining 80% ning Uyghur diyarida ishlitilgenlikini delilligenidi.

CNN Ning tekitlishiche, da'iriler 2018-yili tughulghan bowaqlarning 2017-yildikidin 120 ming az tughulghanliqi, buning ichidiki 80 mingdek bowaqning pilanliq tughut siyasiti téximu yaxshi yolgha qoyulghanliqi seweblik az tughulghanliqini ilgiri sürgen. Melum bolushiche, CNN bu so'alni bu yil 7-ayda sorighan bolup, da'iriler uninggha emdi jawab bergen. Xitayning xelq'arada xitay hökümiti Uyghurlargha" irqiy qirghinchiliq "Élip bériwatamdu? dégen so'al munazire qiliniwatqan bir mezgilde bu so'algha jawab bérishi diqqet qozghidi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar