Xitay dölet re'isi shi jinping tunggan musulmanlirini ziyaret qilip partiyining din siyasitide ching turushni tekitligen

Muxbirimiz irade
2016.07.21
Share on WhatsApp
Share on WhatsApp

Shinxu'a torining xewiridin melum bolushiche, xitay dölet re'isi shi jinping ningshyadiki tunggan musulmanlirini ziyaret qilip, milletler ittipaqliqi hem shundaqla partiyining din siyasitide ching turushni tekitligen.

Shi jinping 18-iyuldin 20-iyulghiche dawam qilghan ziyariti jeryanida ningshya tunggan aptonom rayonining yinchüen shehiridiki meschitlerni ziyaret qilip, diniy zatlar bilen körüshken. Shi jinping u yerdiki amma bilen körüshkende söz qilip “Partiyining din siyasitide ching turushni, diniy pa'aliyetlerni qanun asasida élip bérishni we dinni sotsiyalistik jem'iyetke maslashturush” ni tekitligen.

Shi jinpingning tunggan musulmanlirigha qaratqan bu mexsus ziyariti közetküchilerning diqqitini qozghidi. Awstraliye la trop uniwérsitétining proféssori jeymis léybold bu heqte tiwittér torida qilghan sözide, shi jinpingning ziyariti hökümetning tunggan musulmanlirining radikallishish ehwalidin endishe qiliwatqanliqini éniq körsitip béridu, dédi.

Xitaydiki tungganlar diniy hoquqliridin Uyghur musulmanlirigha qarighanda köp erkin halda behrimen bolidighanliqi, xitayda Uyghurlar we tungganlargha perqliq mu'amile qiliwatqanliqi xelq'aradiki kishilik hoquq organlirining doklatliridimu tilgha élin'ghan. Biraq, amérikidiki frostburg uniwérsitétining xitay ishliri mutexessisi, proféssor ma xeyyün ependi bizge qilghan sözide, yéqindin buyan xitay hökümitining Uyghur élige qaratqan diniy bésim siyasitining ningshyadimu körülüshke bashlighanliqini éytqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.