Туңган шаири ән рән тутқун қилинған

Мухбиримиз ирадә
2020-01-28
Елхәт
Пикир
Share
Принт

Ән рән тәхәллусидики туңган шаир шүй хавшин тивиттирда уйғур елидә йолға қоюлуватқан зор көләмлик тутқун вә назарәт системисини тәнқид қилғандин кейин тутқун қилинған.

Радийомизниң игилишичә, сақчилар уни 24-январ җүмә күни шәндуң өлкисиниң мәркизи җинән шәһиридики өйидин «җедәл пәйда қилип, җәмийәт аманлиқини бузуш» дегән җинайәт гумани билән тутқун қилған.

Туңган шаир ән рән хитай һөкүмитиниң уйғур елидә йолға қоюватқан сиясәтлирини очуқ-ашкара тәнқид қилип келиватқан шәхсләрниң бири. У илгириму бир қанчә қетим сақчи даирилириниң сорақ қилишиға учриған. Бу қетим униң тутқун қилинишиға немә сәвәб болғанлиқи ениқ әмәс. Бирақ у 12-январ күни әркин асия радийосида америкида яшайдиған туңган қизиниң туғқан йоқлаш үчүн уйғур елигә қайтқанда лагерға қамалғанлиқи һәққидики хәвирини һәмбәһирлигән вә униңға инкас язған. У инкасида районда бир милйон әтрапида туңган барлиқини, туңганларниңму лагерларға қамилип зулум көрүватқанлиқини язған шундақла у йәнә гәнсудики туңганларниңму һазир еғир бесимға учраватқанлиқини, мәсчитлириниң чеқиливатқанлиқини ашкарилиған. Униң бу тивиттир учуридин кейин тутқун қилиниши диққәт қозғимақта.

У өткән йили 8-айдиму хитай бихәтәрлик хадимлириниң паракәндичиликигә учриғаниди. Бир қисим инсан һоқуқи тәшкилатлири буни «хитай һөкүмити уйғурларниң зор көләмлик тутқун қилиниш әһвали һәққидә сөз қилмақчи болған ән рәнниң еғизини етиш һәрикити» дәп изаһлиған.

Пикирләр (0)
Share
Толуқ бәт