Түркийидә абдуреһим өткүр вә мирсултан османофни хатириләш хәлқаралиқ йиғини өткүзилиду

Мухбиримиз әзиз
2015-12-16
Share


Түркийидики ғази университетиниң тор бетидики учурлардин мәлум болушичә, мәзкур университетта 18 - декабир күни мәрһум уйғур язғучи вә шаир абдуреһим өткүр вапатиниң 20 йиллиқини хатириләш, шундақла уйғур районидики пешқәдәм тилшунас мирсултан османофниң 85 яшқа киргәнликини қутлуқлаш мунасивити билән хәлқаралиқ илмий муһакимә йиғини ечилидикән.

Бу қетимқи илмий муһакимә йиғиниға дуняниң һәрқайси җайлиридин, җүмлидин түркийә вә хитай тәвәликидин бир түркүм илмий хадимлар өз мақалилирини сунған болуп, асасән абдуреһим өткүр вә мирсултан османофниң илмий тәтқиқат паалийәтлирини әсләш шундақла уларниң илмий әсәрлириниң дуняви қиммитигә қарап чиқиш асасий мәзмун қилинидикән. Уйғурларниң атақлиқ нахшичилиридин бири абдуреһим һейт йиғин ахирида өз иҗадийәтлиридин маһарәтләр көрситидикән.

Алақидар учурлардин мәлум болушичә, бу бейҗиң шәһиридики мәркизий милләтләр университетида 11 - декабир күни ечилған "абдуреһим өткүр вапатиниң 20 йиллиқини хатириләш" йиғинидин кейин ечилидиған тунҗи қетимлиқ хәлқаралиқ илмий йиғин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт