Ройтерис агентлиқиниң хәвиригә қариғанда, түркийә "ортақ дүшмәнләргә тақабил туруш" үчүн қатарда һәрбий база тәсис қилмақчи болған. Бу һәрикәт икки дөләт оттурисида 2014 - йили имзаланған келишимниң бир қисми болуп, һазирқи муқимсизлиқ амиллири күнсери ешип бериватқан әһвалда зор әһмийәткә игә икән.
Хәвәрләрдә дейилишичә, түркийә билән қатар бирдәк "мусулманлар қериндашлиқи" ниң мисирдики паалийәтлиригә шундақла сүрийидики бәшәр әсәд һакимийитини ағдуруш һәрикитигә ярдәм бериватқан болуп, улар русийиниң әсәд күчлиригә һәмдәмдә болуватқанлиқини бирдәк әйибләп кәлгән иди.
Туркийәниң қатарда турушлуқ баш әлчиси әһмәд демироқниң ройтерс агентлиқиға бәргән учуриға қариғанда, бу түркийәниң оттура шәрқ әллиридики тунҗи һәрбий базиси болуп һесаблинидикән. Мәзкур йеңи һәрбий базиниң қачан тамам болидиғанлиқи намәлум болсиму, бу йеңи базиға 3000 түрк әскириниң җайлишидиғанлиқи қәйт қилинған.
Қатар дунядики әң бай дөләтләрниң бири болуп, америкиниң оттура шәрқтики әң чоң һава армийә базиси мушу йәргә җайлашқан икән.
- "ихлас" ширкитиниң лидири мусаҗан имам түркийә билән болған "сирлиқ" алақиси сәвәблик тутулған вә 17 йиллиқ кесиветилгән
- Чен чүәнгониң хитай мәркизигә өстүрүлүши һәққидики тәхминләр хитайниң уйғур сияситидә өзгириш болидиғанлиқиниң бишаритиму?
- Мәһбус гүлмирә имин "кәңчиликкә еришип" җаза муддити муддәтсиздин 19 йил 8 айға чүшүрүлгән
- Миңларчә өлүм видийолири-хитайниң уйғурларни җимҗит йоқитиватқанлиқиниң бешаритиму?
- Гума көктерәктә чеградин қайтуруп келингән 17 кишидин 21 яшлиқ идрис мәмәт 19 йиллиқ кесилгән
