Түркийә билән русийә башқурулидиған бомба системиси баһасида пүтүшти

Мухбиримиз үмидвар
2017-07-16
Share

Русийәниң "москва комсомоли" гезитидә елан қилинған хәвәрдин мәлум болушичә, русийә билән түркийә түркийәниң русийә тәрәптин "с-400" типлиқ зенит ракета системиси сетивелиш баһасида пүтүшкән. Дәсләпки пүтүшүм бойичә түркийә русийәниң әң заманиви "с-400" типлиқ зенит ракета системисидин икки йүрүшни бу йил ичидә сетивалидиған болуп, бу бир йүрүш ракета системилириниң баһаси икки йерим милярд долларға тохтиған. Лекин, русийәниң "рособоронекспорт", йәни русийә дөләтлик һәрбий техника қораллирини експорт вә импорт қилишни башқуруш оргининиң вәкили түркийә билән русийә арисидики мәзкур келишимниң әһвали һәққидә изаһат беришни халимиған.

Илгири түркийәниң хитайдин мундақ ракета системиси сетивалидиғанлиқиға аит хәвәрләр көп оттуриға чиққан иди. Әмма, кейин түркийә буни хитайдин сетивелишни рәт қилип, русийә тәрәп билән сөзләшкән шуниңдәк баһа мәсилисидә көп пикир алмаштурған иди. 

Бу йил май ейида русийә вә түркийә президентлири путин вә әрдоған учришишида путин түркийәгә қаратқан барлиқ иқтисадий имбаргони бикар қилидиғанлиқини җакарлиған иди. Әнә шуниңдин кейин икки тәрәп арисидики мәзкур сода һәққидики сөзлишишләр тезләшкән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт