Türkiye bilen rusiye bashqurulidighan bomba sistémisi bahasida pütüshti
Rusiyening “Moskwa komsomoli” gézitide élan qilin'ghan xewerdin melum bolushiche, rusiye bilen türkiye türkiyening rusiye tereptin “S-400” tipliq zénit rakéta sistémisi sétiwélish bahasida pütüshken. Deslepki pütüshüm boyiche türkiye rusiyening eng zamaniwi “S-400” tipliq zénit rakéta sistémisidin ikki yürüshni bu yil ichide sétiwalidighan bolup, bu bir yürüsh rakéta sistémilirining bahasi ikki yérim milyard dollargha toxtighan. Lékin, rusiyening “Rosoboronéksport”, yeni rusiye döletlik herbiy téxnika qorallirini éksport we import qilishni bashqurush orginining wekili türkiye bilen rusiye arisidiki mezkur kélishimning ehwali heqqide izahat bérishni xalimighan.
Ilgiri türkiyening xitaydin mundaq rakéta sistémisi sétiwalidighanliqigha a'it xewerler köp otturigha chiqqan idi. Emma, kéyin türkiye buni xitaydin sétiwélishni ret qilip, rusiye terep bilen sözleshken shuningdek baha mesiliside köp pikir almashturghan idi.
Bu yil may éyida rusiye we türkiye prézidéntliri putin we erdoghan uchrishishida putin türkiyege qaratqan barliq iqtisadiy imbargoni bikar qilidighanliqini jakarlighan idi. Ene shuningdin kéyin ikki terep arisidiki mezkur soda heqqidiki sözlishishler tézleshken.
- Elfidar iltebir amérika Uyghur birleshmisining yéngi nöwetlik re'islikige saylandi
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- Shangxey kochiliridiki sergerdan Uyghur yigiti we xitay zawutlirigha yötkelgen Uyghurlar
- “Qeshqer konasheher höjjiti” Uyghurlargha qaritilghan tutqunning kölimini yene bir qétim ashkarilidi
- B d t emeldarining xitayning Uyghurlar heqqidiki saxta teshwiqatlirigha masliship, xitaydin 200 ming dollar pul alghanliqi ashkarilandi
