Түркийә билән русийә тәбиий газ туруба қурулуши мәсилиси һәққидә пикир бирлики һасил қилди

Русийәниң газпром ширкити башлиқи миллер билән түркийә енергетика вә йәр асти байлиқлири министирликиниң министири танер йилдиз русийә билән түркийәни қара деңиз арқилиқ туташтуридиған тәбиий газ турубиси қурулуши һәмдә мәзкур туруба қурулушиниң қуруқлуқтики қисимлири һәққидә сөһбәт өткүзди.

Русийәниң регнум ториниң хәвәр қилишичә, икки тәрәп мәзкур туруба линийисиниң түркийидики қисимлири вә техникилиқ мәсилилирни бекиткән.

2014 - Йили, 1 - декабирда газпром билән түркийәниң ботас ширкити қара деңиз арқилиқ русийә билән түркийәни туташтуридиған тәбиий газ турубиси қуруш һәққидә меморандум имзалиған иди.

Келишим бойичә русийә түркийигә мәзкур тәбиий газ турубиси арқилиқ һәр йили 63 милярд куб метир тәбиий газ маңдуридикән.

Мәзкур газ турубисиниң биринчи тармиқи 2016 - йили декабирда пүттүрилидикән.

Өткән йили русийә президенти путин әнқәрәни зиярәт қилғанда мәзкур нуқта бойичә пикир бирлики һасил қилған һәмдә һазир русийә түркийәни тәминләватқан газ баһасини төвәнлитип бәргән иди.

Русийәниң украина мәсилиси түпәйлидин келип чиққан ғәрбниң иқтисадий имбаргосиға тақабил туруш үчүн хитай вә түркийә билән енергийә саһәсидики һәмкарлиқларни күчәйтиватқанлиқи мәлум.