Los anjélis waqti géziti 600 neper Uyghur musapirning türkiyige orunlashturulghanliqini xewer qildi

Muxbirimiz irade
2015.02.03


Amérikida chiqidighan los - anjélis waqti géziti bügünki xewiride, 600 neper Uyghurning yéqinda türkiyige kélip orunlashqanliqini bildürdi. Igilinishiche, köpinchiliri bir a'ile kishiliridin terkip tapqan we kichik balilarnimu öz ichige bu 600 kishi türkiyining qeysiri shehirige orunlashturulghan.

Xewerde, xitay hökümitining yéqinqi yillardin buyan Uyghur élida térrorluqqa qarshi küresh nami astida yürgüzüwatqan keng kölemlik tutqun qilish siyasiti we diniy cheklimiliri tüpeylidin Uyghurlarning yurt - makanlirini tashlap sirtlargha qéchishqa mejbur boluwatqanliqi, türkiyige kélip orunlashqan bu kishilerningmu ene shularning bir qisimi ikenliki qeyt qilin'ghan.

Mezkur xewerde yene, türkiyidiki alaqidar kishilerning sözi qeyt qilinip turup, yéqindin buyan türkiyige qachaq yollar arqiliq kélip orunlashqan Uyghurlarning sanining 7000 gha yétip barghanliqi ilgiri sürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.