“шәрқий түркистан вәхпи” ниң башлиқи түркийә парламент әзалиқиға намзат қилип көрситилди

Мухбиримиз әркин
2015.02.27
Share on WhatsApp
Share on WhatsApp


Түркийәни база қилған “шәрқий түркистан вәхпи” ниң башлиқи әсәр түркистанли сака ханим, түркийә милләтчи һәрикәт партийәси тәрипидин парламент әзалиқиға намзат қилип көрситилгән.

Түркийә парламент сайлими бу йил 6 - айда өткүзүлиду. Түркийә радио - телевизийәси уйғурчә аңлитишиниң хәвәр қилишичә, әсәр сака ханим өзиниң 36 йиллиқ дөләт мәмурлуқ вәзиписидин истепа берип, парламент әзалиқиға милләтчи һәрикәт партийәсидин намзатлар намзати болушни қарар қилған.

Нөвәттә түркийә парламентида һакимийәт бешидики адаләт - тәрәққият партийәсидин башқа 3 өктичи гуруһ бар. Милләтчи һәрикәт партийәси парламенттики 2 - чоң өктичи партийә. Мәзкур партийә, адаләт - тәрәққият партийәси һөкүмитиниң уйғур сияситини изчил тәнқидләп, а к п һөкүмитини тайланд, малайшиядики уйғур муһаҗирлириға баш панаһ болушни, уларни тезрәк түркийәгә елип келишни тәләп қилған иди.

Әсәр түркистанли сака ханим, өзиниң намзатлиқи тоғрилиқ т р т мухбириға қилған сөзидә, әгәр утуққа еришсә, уйғурларниң һәқ - һоқуқини қоғдашқа, ) уйғур( кишилик һоқуқ мәсилисини күнтәртиптә тутуп турушқа тиришидиғанлиқини билдүргән. Әгәр униң намзатлиқи утуқлуқ болса, у түркийәдә парламент сайлимиға чүшкән 2 - уйғур болуп қалиду.

1998 - Йилидики түркийә парламент сайлимида уйғур паалийәтчи җамал таранчи түркийә бүйүк бирлик партийәси тәрипидин парламент намзатлиқиға көрситилгән, бирақ сайлиналмиған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.