Уйғур режиссор абдураһман өзтүркниң түркийәдә ишлигән тунҗи киноси “ақ кит” тамашабинлар билән йүз көрүшкән

Уйғур режиссор абдураһман өзтүркниң түркийәдә ишлигән тунҗи филими “ақ кит” 24-марттин башлап түркийәниң һәрқайсий шәһәрлиридики киноханиларда қоюлушқа башлиған.

“түркийә авази” радийосиниң бу һәқтики хәвиригә қариғанда, мәзкур филим бир уйғур режиссор тәрипидин түркийәдә ишләнгән тунҗи филим болуш алаһидилики биләнму диққәт қозғимақтикән.

Түркийәдики “бәяз пәрдә” намлиқ кино обзорчилиқи торида мәзкур филимниң балилар дунясиға беғишланған яхши бир филим икәнлики һәққидики баһалар орун алған.

Игилинишичә, “ақ кит” филиминиң бир бөлүми һәқиқий йүз бәргән вәқәгә асасән ишләнгән болуп, униңда кичик әли билән ваһабниң йирақ йезидики балилиқ сәргүзәштилири вә чин достлуқи тәсирлик көрүнүшләр ичидә тәсвирләнгән.

Мәзкур филимниң режиссори абдураһман өзтүрк “әрк телевизйәси” ниң саһиби болуп, у илгири муһаҗирәттики уйғурларниң һаятиға даир көплигән тарихий, сиясий вә мәдәнийәт филимлирини ишләп, көрүрмәнләргә тәқдим қилған.