Uyghur rézhissor abdurahman öztürkning türkiyede ishligen tunji kinosi "Aq kit" tamashabinlar bilen yüz körüshken

Muxbirimiz qutlan
2017-03-25
Share


Uyghur rézhissor abdurahman öztürkning türkiyede ishligen tunji filimi "Aq kit" 24-marttin bashlap türkiyening herqaysiy sheherliridiki kinoxanilarda qoyulushqa bashlighan.

"Türkiye awazi" radiyosining bu heqtiki xewirige qarighanda, mezkur filim bir Uyghur rézhissor teripidin türkiyede ishlen'gen tunji filim bolush alahidiliki bilenmu diqqet qozghimaqtiken.

Türkiyediki "Beyaz perde" namliq kino obzorchiliqi torida mezkur filimning balilar dunyasigha béghishlan'ghan yaxshi bir filim ikenliki heqqidiki bahalar orun alghan.

Igilinishiche, "Aq kit" filimining bir bölümi heqiqiy yüz bergen weqege asasen ishlen'gen bolup, uningda kichik eli bilen wahabning yiraq yézidiki baliliq sergüzeshtiliri we chin dostluqi tesirlik körünüshler ichide teswirlen'gen.

Mezkur filimning rézhissori abdurahman öztürk "Erk téléwizyesi" ning sahibi bolup, u ilgiri muhajirettiki Uyghurlarning hayatigha da'ir köpligen tarixiy, siyasiy we medeniyet filimlirini ishlep, körürmenlerge teqdim qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet