"Wal strét zhurnili" géziti: xitayning türkiyediki tesiri Uyghurlarda endishe qozghighan

Muxbirimiz erkin
2021-02-01
Share

"Wal strét zhurnili" géziti 1-féwral xewer bérip, xitayning türkiyediki tesirining Uyghurlarda endishe qozghighanliqi, qolgha élishning köpiyishi, ötküzüp bérish kélishimi we béyjing bilen bolghan diplomatik munasiwetning küchiyishi Uyghurlarda türkiyege bolghan ishenchini azaytqanliqini bildürdi. Xewerde éytilishiche, türkiye nurghun yillardin béri siyasiy, diniy ziyankeshlikke uchrighan Uyghurlarning "Panahgahi" bolup kelgen bolsimu, biraq yéqinqi qolgha élishlar we xitay bilen imzalan'ghan ötküzüp bérish kélishimi nurghun kishilerde türkiye emdi "Panahgah emes" dégen endishini qozghighan.

Xewerde, adwokatlarning Uyghurlarni térrorluqqa chétip tutqun qilishi bir qanche yildin béri izchil yüz bérip turghan bolsimu, biraq uning yéqinqi aylarda kücheygenlikini bildürgenliki, eng yéqinqi tutqunning 18-yanwar yüz bergenliki, istanbul saqchisining 3 neper Uyghurni tutqun qilghanliqi tekitlen'gen. Xewerde, Uyghur tutquni abdulla meyseydining ayali melikening sözi neqil keltürülüp, uning "Hemmimiz sarasimgha chüshtuq", "Kéchisi uxliyalmaywatimiz" dégenliki bildürülgen.

Xewerde, saqchilarning abdulla meyseydini "Térrorluq" bilen eyibligenliki, bir saqchining melikege érini "Xitaygha qarshi pa'aliyet qilghan" dégenliki tekitlen'gen. "Wal strét zhurnili" gézitining bu xewiri türkiyediki "Iyi", "Kélechek", "Sa'adet" qatarliq partiyeler erdoghan hökümiti we uning qollighuchisi bolghan m h p ni xitayning Uyghurlargha "Irqiy qirghinchiliq" yürgüzüshige süküt qilish we türkiyediki sol siyasiy partiye- "Weten partiyesi" ning Uyghurlarni térrorluqqa baghlap hujum qilishigha sehne hazirlap bérishini qattiq tenqid qiliwatqan mezgilde élan qilindi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet