Turpan astanidin tépilghan tash chemberlirining siri yéshildi

Arxé'ologlar 2003 - yili turpan astanida tépilghan 200 dek tash chember we tik töt bulungluq shekillerning sirini yeshken. Amérika “Xuffington pochta géziti”ning yéqinda xewer qilishiche, arxé'ologlar mezkur chember we tik töt bulungluq shekillerning buningdin 4500 yil burun yasalghan quyashqa choqun'ghuchi yerlik charwichi xelqlerning qurbanliq qilish orni ikenlikini ilgiri sürgen.

Xitay arxé'ologi lyu en'go xitay axbaratigha bergen melumatida, bu xil qurbanliq orunlirining pütkul ottura asiyada tépilidighanliqini bildürgen. Bristol uniwérsitétining arxé'ologi wolkér xéydning qeyt qilishiche, buninggha oxshash chember shekillik qurbanliq orunliri oxshashla mongghuliyede bar iken. Arxé'olog xéyd, uning waqti buningdin 4500 yil awwalqi dewrlerge qeder yétip baridu, dégen.

Xitay axbarati, arxé'ologlarning mezkur shekillerni 2003 - yili bayqighanliqini ilgiri sürgen bolsimu, biraq yerlik ahale bu shekillerni burundinla biletti. 2003 - Yildin kéyin beziler bu qurbanliq orunlirining astida qebre barliqidin guman qilip, qézish élip barghan bolsimu, biraq qebre tépilghan. Bu jeryanda, yerlik hökümet qézish élip bérishni chekligen.

Uyghurlar islamiyetni qobul qilip, hidayetke érishishtin xéli uzun yillar awwal shaman dinigha étiqad qilghan. Shaman étiqadida quyash “Xuda” dep qarilip, heryili uninggha qurbanliq qilish aditi uzun yillar dawam qilghan. Bezi analizchilar, Uyghurlarning hidayet yoligha mangghinigha 1000 yil bolghan bolsimu, biraq Uyghurlardiki bezi adetlerning shaman étiqadidin qalghanliqini qeyt qilishidu.