Tutqun nurmemet isma'ilning aqiwiti a'ilisini endishige salmaqta

Muxbirimiz shöhret hoshur
2013-03-25
Share

Xitayning qeshqer sheherlik dölet amanliq saqchiliri héytgah etrapida dukan échip tijaret qiliwatqan nurmemet isma'ilni mushu ayning 1-küni namelum seweb bilen dukinidin tutup ketken.

Uyghurbiz torining bügünki bu heqtiki xewiridin melum bolushiche, bu yil 23 yashqa kirgen tutqun nurmemet isma'il heqqide saqchilar hazirghiche héchqandaq uchur bermigen. Nurmemet isma'il tutulup kétip bir kündin kéyin, xitay dölet amanliq saqchiliridin 5 xadim, nurmemet isma'ilning öyige bésip kirip öy axturush élip barghan. We bir kompyutérni élip chiqip ketken.

Saqchilar öy axturush dawamida nurmemetning a'ilisige héchqandaq qanuniy resmiyet körsetmigen؛ peqet éghzaki halda nurmemetning bir siyasiy délogha chétishliqliqi bayqalghanliqini éytqan.

Nurmemet isma'ilning tutulghinigha, tünügün 24 kün bolghan bolup, taki shu kün'giche, nurmemetning néme üchün tutulghanliqi we nediliki heqqide uning a'ilisige qanuniy yosunda héchqandaq bir chüshendürüsh bérilmigen.

Melum bolushiche, nurmemet isma'il bilen oxshash künde yene 6 neper Uyghur yash tutulghan bolup, ular heqqidimu a'ililirige héchqandaq uchur bérilmigen. Nöwette mezkur a'ililer ularning qolum-qoshniliri bu 7 neper tutqunning nöwettiki ehwali we aqiwitidin endishe qilishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet