Уйғур елида үч нәпәр уйғур торда "миллий ‍өчмәнлик вә ашқунлуқ" ни тәрғип қилиш билән әйиблинип йеқинда қолға елинған

Мухбиримиз әркин
2021-07-06
Share

Йеқинда уйғур елиниң қәшқәр, хотән қатарлиқ җайлирида 3 нәпәр уйғур хитай аманлиқ даилири тәрипидин торда "миллий өчмәнликкә қутратқулиқ қилиш", "ачқунлуқни тәрғип қилиш" билән әйиблинип қолға елинған. Хәвәрдә тутқунларниң толуқ исми вә миллити тилға елинмиған болсиму, бирақ уларниң исминиң хитайчидики тәләппузи һәм уларға артилған җинайәттин бу үчәйләнниң уйғур ‍икәнлики мәлум. Тутқунларниң иккиси қәшқәрдә, бири хотәндә қолған елинған.

"биңтүән хәвәрлири" ториниң ашкарлишичә, тутқунлардин қәшқәр вә хотәндә қолға елинған иккәйлән торда "миллий ‍өчмәнликкә қутратқулуқ қилидиған авазлиқ син тарқатқанлиқи" үчүн 4-айниң 12-күни вә 5-айниң 2-күни қолға елинған. Қәшқәрдики йәнә бирәйлән торда "диний ашқунлуқ идийәси тәрғип қилинған авазлиқ син тарқанқатлиқи" ‍үчүн 4-айниң 7-күни қолған елинған. Уйғур аптоном районлиқ җ х назаритиниң елан қилишичә, бу 3 дело 5-июл күни мәркур орган тәрипидин елан қилинған 16 типик делониң бир қисми ‍икән.

Хәвәрдә қалған 13 делониң торда алдамчилиқ қилиш, намувапиқ мәзмунларни тарқитиш, торда қимар ойнашқа тәшкилләш, өсәк сөз тарқитиш, шәхси мәхпийәтликни ашкарлаш вәқәлиригә четишлиқ ‍икәнлики илгири сүрүлгән. Көзәткүчиләрниң қәйт қилишичә, хитай һөкүмити 2017-йилдин бери аз дегәнда бир милйон 800 миңдәк уйғур вә башқа мусулман түркий аз санлиқ милләтләрни тутқун қилип, лагер вә түрмиләргә қамиған, йүз миңлиған уйғур хитай завутлириға йиғивелинған бир вақитта, бундақ вәқәләрниң йүз бериши көп учримайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт