“уйғур кишилик һоқуқ қурулуши” хитайдин ғайиб болған уйғур сәрхиллирини қоюп беришни тәләп қилған

Мухбиримиз әркин
2021-12-08
Share

Америкадики “уйғур кишилик һоқуқ қурулуши” 10-декабир йетип келидиған хәлқара кишилик һоқуқ күни һарписида хитай лагерлириға қамалған, түрмигә соланған яки из-дерәксиз ғайиб қилинған 312 нәпәр уйғур әқлий, мәдәнийәт сәрхили тоғрисида доклат елан қилип, уларни қоюп беришкә чақирған. “уйғур әқлий вә мәдәнийәт сәрхиллириниң ғайиб болуши: йоқитишниң йеңи шәкли” намлиқ доклатта, юқириқи 312 нәпәр уйғурниң делоси һөҗҗәтләштүрүлгән.

Бирақ доклатта ейтилишичә, бу 312 киши ениқ болмиған вә сани көрүнәрлик болған хитайниң нишанидики әқлий вә мәдәнийәт сәрхиллириниң пәқәт бирқисминила тәшкил қилидикән. Доклатта, фолклоршунас раһилә давут, “шинҗаң университети” ниң сабиқ мудири, җуғрапийәшунас ташполат тейип, язғучи вә шаир абдуқадир җалалдин, “шинҗаң теббий университети” ниң сабиқ мудири халмурат ғопур, нахшичи аблаҗан аюпларниң исми алаһидә тилға елинған.

Доклатта ейтилишичә, “уйғур кишилик һоқуқ қурулуши бу зиялийлар вә сәнәтчиләрни сүрүштүрүш арқилиқ хитай һөкүмитиниң һәрикити уйғурларниң мәдәнийәт кимликини йоқитишни мәқсәт қилған бир хил йеңи йоқитиш шәкли, дегән хуласини чиқарған”.

Доклатта йәнә “һөкүмәтниң сәрхилларға қилған һуҗуми хитайниң уйғур вәтинидики иҗтимаий қайта қурушниң көп тәрәплимилик вә рәһимсизләрчә һәрикитидики һалқилиқ қорал” икәнлики, “бу, һөкүмәтниң әқлий вә мәдәнийәт ишләпчиқиришини пүтүнләй контрол қилиш арқилиқ уйғур мәдәнийәт кимликини йоқитиш ғәризиниң ениқ дәлили” икәнлики тәкитләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт