ئۇكرائىنىيىدە نامايىش

مۇخبىرىمىز ئۈمىدۋار
2013.11.24
Share on WhatsApp
Share on WhatsApp

ئۇكرائىنىيە ھۆكۈمىتىنىڭ ياۋروپا ئىتتىپاقى بىلەن ھەمكارلىشىشىغا ئائىت كېلىشىمنى تەستىقلاشنى ئارقىغا سوزۇشى مۇناسىۋىتى بىلەن ئۆكتىچى پارتىيىلەر كەڭ كۆلەملىك نامايىش تەشكىللەپ، ئۇكرائىنىيىنىڭ ياۋروپا ئىتتىپاقى بىلەن ھەمكارلىشىشىنى تەلەپ قىلدى.

ب ب س ئاگېنتلىقى رۇسچە خەۋەرلەر شۆبىسىنىڭ كىيېفتىن بەرگەن تەپسىلىي ئۇچۇرلىرىغا ئاساسلانغاندا، كىيېف ۋە باشقا ئۇكرائىنىيە شەھەرلىرىدە ئۆتكۈزۈلگەن نامايىشقا يۈز مىڭ ئەتراپىدا ئادەم قاتناشقان. كىيېفتىكى نامايىشتا نامايىشچىلار پرېزىدېنت بىناسى، پارلامېنت قاتارلىق ئورۇنلارغا كىرمەكچى بولغاندا ساقچىلار تەرىپىدىن ياش ئاققۇزۇش بومبىسى ئىشلىتىلىپ توسۇپ قېلىنغان.

نامايىشچىلار ئۇكرائىنىيە ھۆكۈمىتىنىڭ رۇسىيپەرەس سىياسىتىنى ئەيىبلەپ، ئۇكرائىنىيىنىڭ ياۋروپا جەمئىيىتىگە قوشۇلۇشىنى تەلەپ قىلىپ، «بىزگە ياۋروپا كېرەك، ئۇكراىنىيە بۇ ياۋروپا» دېگەندەك شوئارلارنى توۋلىغان.

مەلۇم بولۇشىچە، رۇسىيە ھۆكۈمىتى يېقىندىن بۇيان قازاقىستان ۋە بېلارۇسىيە بىلەن بىرلىكتە قۇرغان تاموژنا ئىتتىپاقى تەركىبىگە ئۇكرانىيىنى كىرگۈزۈشكە تارتىشىۋاتقان بولۇپ، ئۇكرائىنىيە ئۆكتىچىلىرى ۋە مىللەتچىلىرى بۇنىڭ ئۇكرائىنىيىنى رۇسىيىنىڭ كونتروللۇقىغا چۈشۈرۈش دەپ ھېسابلىغان.

ھازىر ئۇكرانىيىدە ياۋروپا بىلەن بىرلىشىش، رۇسىيە كونتروللۇقىدىن قۇتۇلۇش ھەرىكەتلىرى بارغانسېرى كۈچەيمەكتە ئىكەن.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.