Украинада тинчлиқ сөһбити бузулуп, җәңләр давамлашмақта

Украина, русийә, явропа иттипақи вәкили һәм шәрқий украинадики русийәпәрс күчләрниң вәкиллири иштирак қилған йеңи тинчлиқ сөһбити 31 - январ күни нәтиҗисиз ахирлашти.

Ройтерсниң йезишичә, беларусийәниң минск шәһиридә өткүзүлгән мәзкур тинчлиқ сөһбитидә икки тәрәп бир - бирини әйиблигән. Русийәпәрәс күчләр вәкиллири кийев һөкүмитигә вакалитән сөһбәт өткүзгүчи сабиқ украина президенти леонид кучмани кийевниң толуқ һоқуқлуқ вәкили дәп етирап қилмай, келишимгә имза қоймиған. Кучма болса, тинчлиқ келишим һөҗҗитигә русийәпәрәс күчләрниң башлиқлири өзлири қол қоюшини тәләп қилған. Русийә пәрәс күчләр сөһбәтни давамлаштуруш үчүн леонид кучманиң толуқ һоқуқи болуши керәкликини тәләп қилған. Улар, уни кийев һөкүмитигә вәкиллик қилалмайду дәп көрсәткән.

Ройтерсниң хәвиридә көрситилишичә, украина мудапиә министири бу җәрянда украина қошунлири билән русийәпәрәс қораллиқ күчләр арисидики җәңләр давамлишип, украина тәрәптин 15 һәрбий хадим адәм өлүп, 30 нәччә адәм яриланғанлиқини билдүрди. Украина тәрәптин һәрбий һәрикәт әтритиниң командири қаттиқ яриланған.

Нөвәттә, шәрқий украинадики дебласев шәһиридә җәңләр давамлишиватқан болуп, коп сандики аһалиләр бу йәрдин кетишкә башлиған.

Шәрқий украинадики 9 айға йеқин вақит давамлашқан тоқунушлар җәрянида 5 миңға йеқин адәм өлгәнлики пәрәз қилинмақта.