Ukra'inada tinchliq söhbiti buzulup, jengler dawamlashmaqta

Muxbirimiz ümidwar
2015.02.01


Ukra'ina, rusiye, yawropa ittipaqi wekili hem sherqiy ukra'inadiki rusiyepers küchlerning wekilliri ishtirak qilghan yéngi tinchliq söhbiti 31 - yanwar küni netijisiz axirlashti.

Roytérsning yézishiche, bélarusiyening minsk shehiride ötküzülgen mezkur tinchliq söhbitide ikki terep bir - birini eyibligen. Rusiyeperes küchler wekilliri kiyéw hökümitige wakaliten söhbet ötküzgüchi sabiq ukra'ina prézidénti lé'onid kuchmani kiyéwning toluq hoquqluq wekili dep étirap qilmay, kélishimge imza qoymighan. Kuchma bolsa, tinchliq kélishim höjjitige rusiyeperes küchlerning bashliqliri özliri qol qoyushini telep qilghan. Rusiye peres küchler söhbetni dawamlashturush üchün lé'onid kuchmaning toluq hoquqi bolushi kéreklikini telep qilghan. Ular, uni kiyéw hökümitige wekillik qilalmaydu dep körsetken.

Roytérsning xewiride körsitilishiche, ukra'ina mudapi'e ministiri bu jeryanda ukra'ina qoshunliri bilen rusiyeperes qoralliq küchler arisidiki jengler dawamliship, ukra'ina tereptin 15 herbiy xadim adem ölüp, 30 nechche adem yarilan'ghanliqini bildürdi. Ukra'ina tereptin herbiy heriket etritining komandiri qattiq yarilan'ghan.

Nöwette, sherqiy ukra'inadiki déblaséw shehiride jengler dawamlishiwatqan bolup, kop sandiki ahaliler bu yerdin kétishke bashlighan.

Sherqiy ukra'inadiki 9 aygha yéqin waqit dawamlashqan toqunushlar jeryanida 5 minggha yéqin adem ölgenliki perez qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.