Үрүмчи пойиз истансисида бихәтәрлик тәдбирлири йәнә күчәйтилгән

Мухбиримиз ирадә
2018-01-31
Елхәт
Пикир
Share
Принт

Хитай хәвәрләр торидики хәвәрдин қариғанда, хитайниң чағанлиқ байрими мәзгилидики йолучи тошуш мәзгилидә бирәр вәқә көрүлүп қелишниң алдини елиш үчүн уйғур район даирилири үрүмчи пойиз истансисидики бихәтәрлик тәдбирлирини йәнә күчәйткән. Уйғур район даирилири бу һәқтә бәргән йолйоруқида, бихәтәрликни сақлаш үчүн һәрбир йолучини вә һәр бир йүк-тақни тәкшүрүшни йүз пирсәнт ишқа ашурушни, шундақла хәлқ сақчилирини пойиз истансилириға орунлаштурушни тәләп қилған.

Хәвәрләрдә ейтилишичә, уйғур районлуқ қатнаш даирилири чаған мәзгилидә пойизлардики қатнаш саниниң 4 милйон 4 йүз миң адәм қетимға йетишини мөлчәрлигән. Мәлум болушичә, уйғур районидики зор сандики хитай аһалиси хитай ичкири өлкилиригә берип, ата-ана, уруқ-туғқанлири билән җәм болғандин кейин, йәнә уйғур елигә қайтип келидикән. 

Чағанлиқ йолучи тошуш мәзгилидики бихәтәрлик мәсилисиниң уйғур ели даирилирини җиддийләштүриватқанлиқи мәлум. 

«Шинҗаң гезити» йеқинда бәргән бир хәвиридә, чаған мәзгилидә үрүмчи, ғулҗа, ақсу корла қатарлиқ шәһәрләрдики 7 чоң вогзалда 17 бихәтәрлик тәкшүрүш өткили қурулидиғанлиқи вә йәнә бир қисим вогзалларда йолучиларға қарита «йешил йол» тәсис қилинидиғанлиқини билдүргән иди.

Пикирләр (0)
Share
Толуқ бәт