Ürümchi poyiz istansisida bixeterlik tedbirliri yene kücheytilgen

Muxbirimiz irade
2018-01-31
Share

Xitay xewerler toridiki xewerdin qarighanda, xitayning chaghanliq bayrimi mezgilidiki yoluchi toshush mezgilide birer weqe körülüp qélishning aldini élish üchün Uyghur rayon da'iriliri ürümchi poyiz istansisidiki bixeterlik tedbirlirini yene kücheytken. Uyghur rayon da'iriliri bu heqte bergen yolyoruqida, bixeterlikni saqlash üchün herbir yoluchini we her bir yük-taqni tekshürüshni yüz pirsent ishqa ashurushni, shundaqla xelq saqchilirini poyiz istansilirigha orunlashturushni telep qilghan.

Xewerlerde éytilishiche, Uyghur rayonluq qatnash da'iriliri chaghan mezgilide poyizlardiki qatnash sanining 4 milyon 4 yüz ming adem qétimgha yétishini mölcherligen. Melum bolushiche, Uyghur rayonidiki zor sandiki xitay ahalisi xitay ichkiri ölkilirige bérip, ata-ana, uruq-tughqanliri bilen jem bolghandin kéyin, yene Uyghur élige qaytip kélidiken. 

Chaghanliq yoluchi toshush mezgilidiki bixeterlik mesilisining Uyghur éli da'irilirini jiddiyleshtüriwatqanliqi melum. 

"Shinjang géziti" yéqinda bergen bir xewiride, chaghan mezgilide ürümchi, ghulja, aqsu korla qatarliq sheherlerdiki 7 chong wogzalda 17 bixeterlik tekshürüsh ötkili qurulidighanliqi we yene bir qisim wogzallarda yoluchilargha qarita "Yéshil yol" tesis qilinidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.