Ürümchide yayliqi tartiwélin'ghan qazaq charwichilar mohtajliqta qalghanliqini bildürdi

Muxbirimiz méhriban
2015-12-31
Share

Ürümchi bulaqtagh yeni shümoguw rayonidiki qazaq charwichilarning radi'omiz xitay bölümige bildürüshiche, 2007 yili bulaqtagh yayliqidiki 100 din artuq charwichining 1980 mo etrapidiki yayliqi da'iriler teripidin "Ikki yil yaylaqni dem aldurush, otlaqni eslige keltürüsh" namida tartiwélin'ghandin kéyin, iqtisadiy menbesidin ayrilghan qazaq charwichilar turmushta mohtajliqta qalghan.

Radi'omiz ziyaritini qobul qilghan qazaq charwichilarning bildürüshiche, bulaqtagh rayonidiki charwichilar 80-yillarning béshida adem béshigha 45 mo yaylaqni 50 yilliq kötürige alghan. 2007-Yiligha kelgende da'iriler yéziliq hökümet arqiliq bu yerdiki 100 din artuq charwichigha uqturush qilip, "2007-Yildin 2009-yilghiche ikki yil ichide yaylaqning ékologiyilik muhitini yaxshilash pilanigha asasen yaylaqta charwa béqish waqtinche toxtaydighanliqi, emma ikki yildin kéyin yaylaqning yene charwichilarning paydilinishigha qayturup bérilidighan" liqini bildürgen.

Emma charwichilar ikki yildin kéyin yaylaqni qayturup bérishni telep qilghanda, da'iriler her xil bahanilerni körsitip yaylaqni qayturup bérishni ret qilghan.  Yéqinqi yillarda yaylaq ornigha dachilar sélinishqa bashlighandin kéyin, qazaq charwichilardin 10 nechche kishi yaylaqni qayturup bérishni telep qilip erz qilghanda yerlik hökümet da'iriliri ewetken saqchilar teripidin tutqun qilin'ghan we erz qilmasliqqa agahlandurulghan we tehditke uchrighan.

Radi'omiz ziyaritini qobul qilghan qazaq charwichilarning bildürüshiche, nöwette ürümchi etrapidiki jenubiy tagh,(nensen). Shimaliy tagh (béysen), sherqiy tagh (dongsen) rayonidiki qazaq charwichilarning yaylaqliri "Taghning ékologiyilik muhitini asrash" dégendek namlar bilen, tartiwélin'ghanliqi üchün, charwa béqishtin mehrum qilin'ghan charwichilar turmushini qamdashqa amalsiz qalidighan weziyet shekillen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet