Ürümchi shehirining sabiq partkom sékritari li ji tekshürüsh astigha élin'ghan

Muxbirimiz irade
2015-03-11
Élxet
Pikir
Share
Print


Ürümchi shehirining sabiq partkom sékritari we Uyghur aptonom rayonining mu'awin mudiriliq wezipisini ötigen li ji tekshürüsh astigha élin'ghan.

Roytérs agéntliqining xewer qilishiche, merkizi intizam tekshürüsh komitétining tor bétide élan qilin'ghan bayanatta li jining "Intizamgha we qanun'gha éghir derijide xilapliq qilish" gumani bilen tekshürülüwatqanliqi bildürülgen bolsimu, biraq uning tepsilati ashkarilanmighan.

Emma, uning tekshürilishining chiriklik qatarliq mesililerge chétishliq ikenliki perez qilinmaqta.

Uyghur éli weziyiti analizchiliri li jining ismining 2009 - yili, 5 - iyul ürümchi weqesi mezgilide uning bir minibus üstige chiqip turup xitay ammisini öch élishqa küshkürtidighan sözlerni qilishi bilen tonulghanliqini bildürmekte.

Li jining Uyghur aptonom rayonining eyni chaghdiki partkom sékritari wang léchü'en'ge yéqinliqi ilgiri sürülmekte. Ürümchi weqesidin kéyin uning ürümchi shehirining partkom sékritarliq wezipisidin qaldurulghan bolsimu, emma u Uyghur aptonom rayonluq xelq qurultiyi da'imiy komitétining mu'awin mudiriliq wezipisini taki 2013 - yilighiche atqurghan idi.

Bu qétim uning tekshürülüshke élinishi xitay dölet re'isi shi jinpingning ju yongkang we bo shiley guruhidikiler bilen bolghan kürishining dawami, dep qaralmaqta.

Toluq bet