Ürümchidin taylandqa biwasite hawa yoli échilghan


2016-01-24
Share

Ürümchi hawa qatnishi da'iriliri Uyghur rayonidin sherqiy jenubiy asiyagha qatnaydighan liniye échilghanliqini bildürgen.

"Shangxey kündilik géziti" ning shinxu'a agéntliqidin neqil élip xewer qilishiche, bu ishtin xewerdar xadimlar jenubiy hawa yolliri shirkiti bashqurushidiki mezkur liniyening ürümchidin taylandning bangkok shehirige qatnashni bashlighanliqini bildürgen.

Xewerge qarighanda, nöwetchi ayropilan ürümchidin seyshenbe, peyshenbe we shenbe künliri uchup gensuning lenju shehiride toxtap ötkendin kéyin, bangkokqa baridiken.

Melum bolushiche, bu biwasite ayropilan ürümchidin bangkokqa bérish waqtini 10 sa'et etrapida qisqartidiken.

Bangkok xitay puqraliri eng köp baridighan sayahet menzilliridin biri. Ötken yili awghustta yüz bergen bangkok érawan ibadetxanisi hujumida ölgen 20 ademning az dégende 5 nepirining xitay puqrasi ikenliki xewer qilin'ghan idi.

Da'iriler mezkur hujumda Uyghurlarning qoli barliqini ilgiri surup, adam qaradagh, mir'eli yüsüp isimlik ikki gumanlarni qolgha alghanliqini élan qilghan.

Ular yene mir'eli yüsüpning qolida xitay pasporti bar "Shinjangliq" ikenlikini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.