Үрүмчидә йемәк - ичмәк бихәтәрлики саһәси бойичә комитет қурулди

Уйғур аптоном райони даирилири өзиниң тунҗи йемәк - ичмәк бихәтәрликини тәкшүрүш бойичә мутәхәссисләр комитети қурди.

Йемәк - ичмәк бихәтәрлики мәсилиси йиллардин буян пүтүн хитай бойичә җиддий мәсилиләрниң бири сүпитидә қариливатқан болуп, уйғур елидиму бу мәсилиләр бойичә хәлқ ичидә күчлүк инкаслар давамлашмақта иди.

Шинхуа торидики учурдин мәлум болушичә,

16 - Өктәбир күни уйғур аптоном районлуқ йемәк - ичмәк бихәтәрлики бойичә мутәхәссисләр комитетиниң қурулуш мурасими болуп өткән. Бу комитет тәркибидә 115 нәпәр мутәхәссис мәхсус йемәк - ичмәк бихәтәрлик әһвалини тәкшүрүш, ениқлаш, хәлқниң пикрини топлаш вә ахирида һөкүмәткә йәткүзүш ишлири билән шуғуллинидикән.

Йемәк - ичмәк саһәсидики бихәтәрлик хәлқара җәмийәт тәрипидин әң муһим мәсилә сүптидә әһмийәт беришкә еришип келиниватқан саһәләрдә бири һесаблиниду.

Сақлиқни сақлаш мутәхәссислири йемәк - ичмәкләрдики химийилик маддилар тәркибиниң көпийип кетиши, сахта йемәк - ичмәкләр вә яки булғанған йемәк - ичмәкләр мәсилисиниң уйғур елидә йеқинқи йиллардин буян күчийип кетиватқанлиқидин шикайәт қилиниватқанлиқини билдүрмәктә.