Da'iriler charwichilarni yaylaqtin köchürüsh üchün nurghun meblegh serp qilghanliqini ashkarilidi

Muxbirimiz qutlan
2016.05.16

Yéqinda Uyghur aptonom rayonluq tereqqiyat we islahat komitéti bayanat élan qilip, charwichilarni yaylaqtin köchürüsh we muqim olturaqlashturush üchün ötken 5 yilda jem'iy 10 milyard som meblegh serp qilghanliqini bildürgen.

Bayanatta ötken 5 yilda serp qilin'ghan ghayet zor sommiliq mebleghning Uyghur élidiki yaylaqlarni qoghdash, yaylaqta mal-charwa béqishni cheklesh, charwichilarni yaylaqtin chékindürüp muqim ishlepchiqirish bilen shughullinishqa righbetlendürüsh qatarliq türlerge ishlitilgenliki ilgiri sürülgen.

Xewerde körsitilishiche, Uyghur aptonom rayonining charwichilarni olturaqlashturush meblighidin behrimen bolghan a'ililer 270 mingdin ashqan bolup, ularning köpinchisi ewlatmu-ewlat dawamlashturup kelgen charwichiliq turmushidin qol üzüp, déhqanchiliq yaki sayahetchilik igilikige yüzlendürülgen iken.

Melum bolushiche, Uyghur aptonom rayonidiki yaylaqlarning omumiy kölimi 68 milyon mo bolup, xitaydiki eng chong charwichiliq rayonlirining biri hésablinidiken. Halbuki, ötken birqanche on yil mabeynide Uyghur élidiki 80 % tin köprek yaylaqlar buzghunchiliqqa uchrap, éghir ékologiyelik chékinish yüz bergen.

Bir qisim közetküchiler, da'irilerning charwichilarni yaylaqtin ayrip muqim olturaq hayatqa köchürüshi Uyghur élida ezeldin charwichiliq bilen déhqanchiliq gireliship kelgen igilik sistémisini buzup tashlapla qalmastin, köchmenler üchün keng zémin hazirlaydu dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.