Уйғур тәтқиқатчиси уйғур дияри вәзийитиниң йәнила җиддий икәнликини билдүрди

Мухбиримиз җүмә
2015-10-31
Share


"WORT" радиосиниң зияритини қобул қилған уйғур вәзийити тәтқиқатчиси уйғур дияри вәзийитиниң йәнила җиддий икәнликини билдүрди.

Бу сөзләрни "хитайдики унтулған хәлқ: шинҗаң, террор вә хитай дөлити" намлиқ китабниң муәллипи ник һолдсток мәзкур радиода өткүзүлгән уйғурлар һәққидики мәхсус сөһбәт программисида оттура қойди.

У алди билән уйғурлар һәққидә қисқичә чүшәнчә бәрди вә уйғурларниң хитайларға пүтүнләй охшимайдиған түркий тиллиқ, хитайниң ғәрбидики әң чоң өлкидә яшайдиған мусулман хәлқ икәнликни билдүрди.

У сөһбәт давамида радио риясәтчисиниң уйғурлар, гвәнтанамо вә бу йәргә қамалған уйғурлар һәққидики соалиға җаваб берип уйғурларниң хата һалда тутуп келингән гунаһсиз кишиләр икәнликини, уларниң террорлуқ билән алақиси йоқлуқи, буларниң гвәнтанамоға кирип қилишини бир бәхтсизлик дәп қарашқа болидиғанлиқини ейтти.

У йәнә уйғурларниң нәччә он йиллардин буян хитайниң мәбләғ селиш сиясәтлириниң сиртида қалдурулғанлиқи, диний җәһәттә бастурулушқа учриғанлиқи яки дөләтниң көзитиш обйекти қилинғанлиқи шу сәвәбтин бир қисим уйғурларниң афғанистан қатарлиқ әлләргә қечип чиқишқа мәҗбур болғанлиқини билдүрди.

У йәнә уйғурларниң 2001 - йилидин 2009 - йилиғичә, 2009 - йилидин һазирқиғичә болған вәзийити һәққидә тохталғандин кейин, хитайниң террорлуққа зәрбә бериш баһанисидә уйғурларни бастуруватқанлиқини көрсәтти.

У радио аңлиғучилар сориған уйғурларниң нөвәттики вәзийити һәққидики соалларға җаваб берип, уйғурларниң иқтисадий сиясий, маарип, тил вә диний җәһәттә чәкләш, башқурушқа учраватқанлиқи, рамизан айлирида даириләрниң уйғурларни көзитиш обйектиға айландуридиғанлиқини ейтқанда һәтта программа риясәтчисиму һәйран қалди.

У ахирида уйғурлар учраватқан муамилиниң бара - бара начарлишип барғанлиқи, нөвәттә әң начар вәзийәттә туруватқанлиқини билдүрди.

Ворт радиоси америкиниң вискансон штати мадисон шәһиридин тарқитилидиған йәрлик радио қанилини. Уйғурлар һәққидики бу 55 минутлуқ мәхсус программа мәзкур қаналниң "җәмийәт мәсилилири" программиси берилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт