Bu yil Uyghur diyarida aliy mektep püttürgen 80 mingdek oqughuchi ishqa orunlashqan

Muxbirimiz erkin
2020-08-17
Share

Xitay da'iriliri bu yil 8-aygha qeder Uyghur diyarining ichi we sirtidiki aliy mekteplerni püttürgen 80 minggha yéqin oqughuchining Uyghur diyarida ishqa orunlashqanliqini élan qildi. Lékin da'iriler buning qanche pirsentining yerlik millet oqughuchilirini teshkil qilidighanliqini tilgha almighan. Közetküchiler, buning bir qanche mingi Uyghurlarni asas qilghan yerlik milletler bolushi mumkin bolsimu, emma mutleq köp qismining xitay oqughuchilar ikenliki we bumu xitay hökümitining rayonning nopus qurulmisini özgertish pilaning bir parchisi ikenlikini ilgiri sürmekte.

"Shinjang géziti" ning ashkarilishiche, 80 mingdek aliy mektep oqughuchisining az kem 67 mingi rayondiki aliy mekteplerni püttürgenler, 12269 nepiri rayon sirtidiki aliy mekteplerni oqughanlar iken. Xewerde 7-ayning 31-künige qeder aliy mektep püttürgen rayon tewelikidiki oqughuchilarning ishqa orunlishish nisbitining 65% tin ashqanliqi tekitlen'gen. Emma qalghan 34 % dek aliy mektep oqughuchisining qandaq bolghanliqi, ularning qaysi milletni asas qilidighanliqi tilgha élinmighan.

Xitay hökümiti 2017-yili bashlan'ghan chong tutqunda milyonlighan Uyghurni erzan bahaliq emgek küchige aylandurghan. Shuning bilen bir waqitta rayonning siyasiy, iqtisadiy, memuriy we téxnikiliq orunliridiki Uyghur serxillirini bu orunlardin siqip chiqirip, bu orunlargha xitaylarni orunlashturghan idi. Amérika hökümiti we kishilik hoquq teshkilatlirining doklatlirida tekitlinishiche, xitay hökümiti xizmetke qobul qilishta Uyghurlarni ochuq-ashkara kemsitip, bu jehette zor hang peyda qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet