Xitay hökümiti Uyghur adem isimlirining yézilishini birlikke keltürüsh charisini élan qildi

Muxbirimiz erkin
2016-06-24
Élxet
Pikir
Share
Print

Uyghur aptonom rayoni hökümiti peyshenbe küni axbarat élan qilip, rayondiki yerlik millet adem isimlirining xitayche yézilishni birlikke keltürüsh, qéliplashturush charisini élan qildi.

"Tengritagh tori" qatarliq xitay hökümet taratqulirining xewer qilishiche, mezkur chare Uyghur rayonining "Milletler ittipaqliqini algha sürüsh yili" qurulushida otturigha qoyulghan tedbirlerning biriken.

Xitay hökümiti bu yil 1‏-maydin bashlap 2014‏-yili yolgha qoyghan "Yéshil karta" tüzümini bikar qilip, bunimu "Milletler ittipaqliqini algha sürüshning bir tedbiri" dep élan qilghan idi.

Uyghur aptonom rayonluq hökümetning 23‏-iyun ötküzgen axbarat yighinida körsitishiche, buningdin kéyin banka, pochtixana, dawalash sughurtisi, tömüryol, ijtima'iy parawanliq, paychek baziri, hawa yoli qatnishi, qisqisi barliq sahelerde puqralarning kimlik kinishkisidiki ismi qandaq yézilghan bolsa, shu ölchem qilinidiken. Yéngi tughulghan balilarning ismi tughut guwahnamisige qandaq yézilghan bolsa, nopusigha we kéyinki kimlik resmiyetlirige shundaq yézilidiken.

Xitay hökümiti Uyghur isimlirining yézilishini birlikke keltürüsh we qéliplashturush ulargha qolayliq yaritishni meqset qilghan désimu, emma amérikida turushluq xitay kishilik hoquq pa'aliyetchisi lyu ching, xitayning meqsiti Uyghurlarni bashqurush we kontrol qilish ikenlikini ilgiri sürdi.

Toluq bet