Уйғур аптоном районлуқ қатнаш назаритиниң 2-дәриҗилик тәкшүргүчиси илһам абләт җазаланған

Мухбиримиз нуриман
2020-07-01
Share

Хитай мәркизий интизам тәкшүрүш комитети тор бекитиниң 1-июл бәргән хәвиригә қариғанда, уйғур аптоном районлуқ қатнаш назаритиниң 2-дәриҗилик тәкшүргүчиси илһам абләт интизам вә қанунға хилаплиқ қилғанлиқи тоғрисида тәкшүрүлгән.

Тәкшүрүштин кейин, «илһам абләткә партийәгә садақәтсиз вә сәмимийәтсиз болуш, тәшкилгә қарши дәлил-испатларни тәкшүрүш, йоқитиш вә йошуруш, бәлгилимигә хилаплиқ қилип совғат қобул қилиш, тәләпкә асасән шәхсий ишларни доклат қилмаслиқ вә башқилар билән намувапиқ мунасивәт орнитиш» қатарлиқ «җинайәтләр» билән әйибләнгән вә хизмәттин һәйдилип, барлиқ киримлирини мусадирә қилинған.

Мәлум болушичә 2016-йилидин буян уйғур дияридики һәр дәриҗилик идарә-органларда, вилайәт, наһийәләрдә ишләватқан уйғур әмәлдарларниң хели көп қисми зәрбә бериш нишаниға айлинип, интизамсизлиқ вә парихорлуқ, һәтта «икки йүзлимичилик» җинайәтлири билән тутқун қилинип вәзиписидин елип ташланған. Уйғур аптоном районлуқ маарип назарити, деһқанчилиқ назарити, аптоном районлуқ хәлқ һөкүмити, орманчилиқ назарити вә башқа органлардики бир қисим назир дәриҗилик уйғур кадирларму җазалинип қамаққа һөкүм қилинғаниди. Һәтта орманчилиқ назаритиниң пенсийәгә чиққан назири 75 яшлиқ мәмәт абдулламу 2017-йили 5-айниң бешида «икки йүзлимичилик» билән әйиблинип, тутқун қилинғанлиқини вә лагерға елип кетилгәнликини дәлилләнгәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт