Uyghur aptonom rayonluq qatnash nazaritining 2-derijilik tekshürgüchisi ilham ablet jazalan'ghan

Muxbirimiz nur'iman
2020-07-01
Share

Xitay merkiziy intizam tekshürüsh komitéti tor békitining 1-iyul bergen xewirige qarighanda, Uyghur aptonom rayonluq qatnash nazaritining 2-derijilik tekshürgüchisi ilham ablet intizam we qanun'gha xilapliq qilghanliqi toghrisida tekshürülgen.

Tekshürüshtin kéyin, "Ilham abletke partiyege sadaqetsiz we semimiyetsiz bolush, teshkilge qarshi delil-ispatlarni tekshürüsh, yoqitish we yoshurush, belgilimige xilapliq qilip sowghat qobul qilish, telepke asasen shexsiy ishlarni doklat qilmasliq we bashqilar bilen namuwapiq munasiwet ornitish" qatarliq "Jinayetler" bilen eyiblen'gen we xizmettin heydilip, barliq kirimlirini musadire qilin'ghan.

Melum bolushiche 2016-yilidin buyan Uyghur diyaridiki her derijilik idare-organlarda, wilayet, nahiyelerde ishlewatqan Uyghur emeldarlarning xéli köp qismi zerbe bérish nishanigha aylinip, intizamsizliq we parixorluq, hetta "Ikki yüzlimichilik" jinayetliri bilen tutqun qilinip wezipisidin élip tashlan'ghan. Uyghur aptonom rayonluq ma'arip nazariti, déhqanchiliq nazariti, aptonom rayonluq xelq hökümiti, ormanchiliq nazariti we bashqa organlardiki bir qisim nazir derijilik Uyghur kadirlarmu jazalinip qamaqqa höküm qilin'ghanidi. Hetta ormanchiliq nazaritining pénsiyege chiqqan naziri 75 yashliq memet abdullamu 2017-yili 5-ayning béshida "Ikki yüzlimichilik" bilen eyiblinip, tutqun qilin'ghanliqini we lagérgha élip kétilgenlikini delillen'genidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet